रशियन सैनिकांचा युरोपमधील सर्वात मोठा अणुऊर्जा प्रकल्प ‘झापोरिझ्झिया’ जवळ गोळीबार

रशिया आणि युक्रेनमध्ये युद्ध सुरूच आहे. आज या युद्धाचा 9 वा दिवस आहे. रशियाकडून युक्रेनवर हल्ले सुरूच असून, या युद्धामध्ये युक्रेनचे मोठे नुकसान झाले आहे. मोठ्याप्रमाणात मनुष्य आणि वित्तहानी झाली आहे. दरम्यान आता रशियन सैनिक युरोपमधील सर्वात मोठा अणुऊर्जा प्रकल्प झापोरिझ्झिया एनपीपीला लक्ष करत असल्याचे युक्रेनचे परराष्ट्र व्यवहार मंत्री दिमिट्रो कुलेबा यांनी म्हटले आहे. रशियन सैन्य युरोपमधील सर्वात मोठा अणुऊर्जा प्रकल्प पोरिझ्झिया एनपीपीवर चारही बाजुने गोळीबार करत आहेत. आधीच या परिसरात आग भडकली आहे. अशा परिस्थितीमध्ये स्फोट झाला तर तो चेरनोबिलपेक्षा दहा पट मोठा असेल असं युक्रेनचे परराष्ट्र व्यवहार मंत्री दिमिट्रो कुलेबा यांनी म्हटले आहे.