Sushma Andhare यांनी पुन्हा डिवचलं, डीजेवरुन मनसे अन् ठाकरेंच्या महिला नेत्यांमध्ये जुंपली

मुंबई, ९ ऑक्टोबर २०२३ | मनसे सरचिटणीस शालिनी ठाकरे आणि ठाकरे गटाच्या उपनेत्या सुषमा अंधारे यांच्यात डीजेवरुन चांगलाच कलगीतुरा रंगलाय. नुकत्याच पार पडलेल्या गणेशोत्सवात मोठा डीजे वाजवला गेला त्यावरुन मनसे अध्यक्ष राज ठाकरे यांनी जनतेला महत्वाचं आवाहन केलं. डीजे आणि लेझर लाईटमुळे लहान मुलं, वृद्धांना त्रास होत असल्याचा मुद्दा त्यांनी उपस्थित केला. राज ठाकरेंनी ट्वीटरवरुन आपली भूमिका मांडल्यानंतर सुषमा अंधारे यांनी त्यांना चांगलंच डिवचलं. डीजेवरुन सुरु झालेला शालिनी ठाकरे आणि सुषमा अंधारे यांच्यातील वाद काही थांबण्याची चिन्ह नाहीत. कारण सुषमा अंधारे यांनी पुन्हा एकदा राज ठाकरे यांच्यावर निशाणा साधला तर शालिनी ठाकरेंना थेट आव्हानच दिलं. सुषमा अंधारे यांच्या एका वक्तव्यावरुन शालिनी ठाकरे संतापल्या आणि त्यांनी सुषमा अंधारे यांच्या कानाजवळ डीजे वाजवण्याचा इशारा दिला. त्यावर नांदेडच्या मुद्द्यावरुन तुम्ही सरकारच्या कानाजवळ डीजे वाजवण्याची हिंमत कराल का, असा खोचक सवाल अंधारे यांनी केला.