बारामतीचा झापुक झुपुक फेम सूरज चव्हाणची tv9 मराठीशी खास बातचित; लग्नाचा प्लान अन् कशी हवी मुलगी?

बिग बॉस मराठी सीझन 5 चा ग्रँड फिनाले रविवारी पार पडला. बिग बॉसच्या या पाचव्या सीझनमध्ये सूरज चव्हाण हा विजयी स्पर्धक ठरला आहे. ‘बिग बॉस मराठी सीजन 5’ हा कार्यक्रम गेले 70 दिवस सुरू होता. इतकंच नाहीतर 70 दिवस सूरज चव्हाण हा देखील तितकाच चर्चेत असून सर्वसामान्यांपासून राजकीय नेते मंडळींच्या घराघरात पोहोचला. बिग बॉसच्या घरात टॉप 6 फायनलिस्ट अभिजीत सावंत, सूरज चव्हाण, अंकिता वालावलकर, निकी तांबोळी, धनंजय पोवार आणि जान्हवी किल्लेकर हे पोहोचले होते. मात्र अखेर सूरज चव्हाण या पठ्ठ्यानं बिग बॉसच्या ट्रॉफीवर आपलं नाव कोरलं. सूरज चव्हाण बिग बॉसच्या घरात गेला तेव्हा तो साधा एक रिल्सस्टार म्हणून प्रसिद्ध होता. पण सूरजचा खेळ, प्रामाणिकपणा, वैयक्तिक आयुष्यातील खडतर प्रवास यामुळे त्याने जनतेच्या मनात घर केल्याचे पाहायला मिळाले. आणि सूरज चव्हाण हा ‘बिग बॉस मराठी सीजन 5’ चा विजेता ठरल्यानंतर त्याच्यावर सर्वांकडूनच कौतुकांचा वर्षाव केला जातोय. हाच विजयाचा प्रवास, बिग बॉस मराठी सीझन 5 मधील धम्माल आणि पुढील आयुष्यातील प्लान याविषयी सुरज चव्हाणशी tv9 मराठीने खास बातचित केली आहे. बघा व्हिडीओ