Car Loan : 5 वर्षासाठी 10 लाखांचे कार लोन घेतल्यास किती भरावा लागेल हप्ता? इतकी असेल व्याजाची टक्केवारी

मुंबई : अनेक जण नवीन कार घेण्यासाठी कार लोन (car loan) घेतात तर काही  पूर्ण पैसे देऊन नगदी कार खरेदी करतात. तुम्हाला आवश्यक असल्यास, तुम्ही कार खरेदी करण्यासाठी डाऊन पेमेंटनंतर उर्वरित रकमेसाठी कर्ज घेऊ शकता. डाउन पेमेंट पूर्णपणे तुमच्यावर अवलंबून आहे. जास्तीत जास्त डाऊनपेमेंट आणि कमीत कमी कार लोन घेणे हा शहाणपणाचा निर्णय आहे असे तज्ज्ञांचे मत आहे. कार लोन घेतल्याचा अर्थ असा आहे की तुम्हाला ठराविक रक्कम मासिक हप्ता म्हणजेच EMI म्हणून भरावी लागेल. अशा परिस्थितीत, जर तुम्हाला स्टेट बँक ऑफ इंडिया (SBI) कडून पाच वर्षांसाठी 10 लाख रुपयांचे कार लोन घ्यायचे असेल, तर तुम्ही अर्ज करण्यापूर्वी तुमचा EMI सुद्धा काढू शकता. हे तुम्हाला तुमचे बजेट संतुलित करण्यात मदत करेल.

SBI कार कर्जावरील व्याज दर

स्टेट बँक ऑफ इंडिया (SBI) च्या अधिकृत वेबसाइटनुसार, जर तुम्ही 3 ते 5 वर्षांच्या परतफेडीच्या कालावधीसह नवीन कारसाठी कार कर्ज घेतले तर तुम्हाला 8.90 टक्के ते 9.60 टक्के (SBI) व्याजदर मिळेल. कर्जावर लागू होणारे व्याज तुमच्या क्रेडिट स्कोअरवर किंवा CIBIL स्कोअरवर अवलंबून असेल आणि रक्कम तुमच्या उत्पन्नावर आणि बँकेच्या विवेकबुद्धीवरही अवलंबून असते. जर तुम्ही विहित मानकांनुसार कार कर्ज घेण्यास पात्र असाल तर तुम्हाला कोणत्याही गैरसोयीला सामोरे जावे लागणार नाही.

EMI किती असेल?

जर तुम्ही स्टेट बँक ऑफ इंडियाकडून 8.90 टक्के दराने (जेव्हा तुमचा CIBIL स्कोर खूप चांगला असेल) पाच वर्षांत परतफेडीच्या आधारावर 10 लाख रुपयांचे कर्ज घेतले, तर SBI कॅल्क्युलेटरच्या गणनेनुसार तुम्हाला दरमहा रु. 20,710 चे मासिक पेमेंट भरावे लागेल. हप्ता (EMI) भरावा लागेल. अशा प्रकारे, संपूर्ण पाच वर्षांमध्ये, तुम्ही एकूण 2,42,591 रुपये फक्त व्याज म्हणून बँकेला द्याल.

हे सुद्धा वाचा

Horoscope Today 26 September 2023 : आजचे राशी भविष्य, या राशीच्या लोकांचा खर्च वाढेल

Ramayana Story : हे होते श्रीरामाच्या धनुष्य बाणाचे नाव, काय होते त्याचे वैशिष्ट्य?

Lakshmi Upay : रोज संध्याकाळी करा हा सोपा उपाय, सदैव राहील माता लक्ष्मीची

Mahabharat : भगवान श्री कृष्णाला का द्यावा लागला होता गीता उपदेश? कुरूक्षेत्रात नेमकं काय घडलं होतं?

जर तुमचा CIBIL स्कोअर खूपच कमकुवत असेल आणि तुम्हाला हे कर्ज 9.60 टक्के व्याज दराने मिळते, तर तुमच्या EMI गणनेनुसार, तुमचा EMI 21,051 रुपये मासिक असेल. या आधारावर तुम्ही बँकेला फक्त 2,63,046 रुपये व्याज द्याल. हा आकडा उगहरण म्हणून देण्यात आलेला आहे. वास्तविक आकडेवारीसाठी तुम्ही तुमच्या बँकेशी संपर्क साधावा.