Car Discounts | कारच्या स्वप्नाला सवलतीचे पंख! मिळवा 1 लाखापर्यंतची सूट
Car Discounts | वर्षाच्या अखेरीस सवलतीत कार खरेदी करता आली नाही? मग आता या कंपनीने नवीन वर्षाचा मुहूर्त साधत सवलत आणली आहे. होंडा कंपनीने या वर्षाच्या सुरुवातीला कारवर सवलतीची ऑफर आणली आहे. होंडा सिटी, होंडा सिटी हायब्रिड आणि अमेझ या मॉडलवर एक लाख रुपयांपर्यंतची सूट देण्यात येत आहे.
नवी दिल्ली | 4 जानेवारी 2024 : 2023 संपण्यापूर्वी ऑटो कंपन्यांनी कार खरेदीसाठी झटपट डिस्काऊंट दिले. अनेक कंपन्यांनी इयर इंडिंगवर सवलतीचा पाऊस पाडला. जर तुम्हाला कार खरेदी करता आली नाही, या ऑफरचा फायदा उठवता आला नाही तर पुन्हा एकदा संधी चालून आली आहे. दिग्गज ऑटो कंपनी होंडाने त्यांच्या नवीन कार खरेदीवर बंपर सवलत दिली आहे. होंडा सिडेन कारवर जोरदार सवलत देत आहे. नवीन वर्षाच्या मुहूर्तावर तुम्ही होंडाची नवीन कार खरेदी करत असाल तर तुम्हाला या खरेदीवर एक लाख रुपयांपर्यंतची सवलत मिळेल. होंडा सिटी, होंडा सिटी हायब्रिड आणि अमेझ या मॉडलवर ही सवलत मिळेल.
कार खरेदीवर सवलतींचा पाऊस
होंडाची कार खरेदीसाठी कॅश डिस्काऊंट, कॉर्पोरेट डिस्काऊंट, एक्सचेंज आणि लॉयल्टी बोनसच्या अंतर्गत सवलत मिळेल. जर तुम्हाला कार खरेदीवर मोठी बचत करायची असेल तर ही सर्वात चांगली संधी आहे. होंडाच्या तीन सिडेन कार जोरदार स्पेसिफिकेशन्स आणि फीचर्ससह येतात.
Honda City e:HEV: 1 लाखपर्यंतची सवलत
होंडा सिटी हायब्रिडच्या 2024 मधील मॉडलवर ही सवलत मिळणार नाही. जर तुम्ही 2023 मधील मॉडल खरेदी करणार असाल तर ही सवलत मिळेल. होंडा सिटी हायब्रिड खरेदीवर 1 लाख रुपयांपर्यंतची सवलत मिळेल. कंपनी थेट रोखीत सवलत देत आहे. या कारवर इतर कोणताही फायदा देण्यात येणार नाही. या कारवर तुम्हाला थेट कॅश डिस्काऊंट मिळेल. या कारची एक्स-शोरूम किंमत 18.89 लाख रुपये ते 20.39 लाख रुपयांच्या दरम्यान आहे.
Honda City: 88,600 रुपये वाचवा
या महिन्यात होंडा सिटी कारवर डिस्काऊंटचा फायदा मिळेल. जानेवारी महिन्यात या कार खरेदीवर 88,600 रुपयांपर्यंतची बचत करता येईल. कंपनी 40,000 रुपयांपर्यंतचे कॅश डिस्काऊंट, 4,000 रुपये पर्यंतचे लॉयल्टी बोनस, 6,000 रुपयांपर्यंतचे एक्सचेंज बोनस आणि 25,000 रुपयांपर्यंत स्पेशल कॉर्पोरेट बेनिफिट्स देत आहे.
Honda Amaze: 72,000 रुपयांपर्यंत डिस्काउंट
2023 आणि 2024 मॉडल्सच्या होंडा अमेजवर 72,000 रुपयांपर्यंतची सवलत मिळते. या सिडेनची एक्स-शोरूम किंमत 7.10 लाख रुपये ते 9.86 लाख रुपयांपर्यंत आहे. तर E ट्रिमवर 52,000 रुपये आणि VX ट्रिमवर 62,000 रुपयांपर्यंतची बचत होईल. S ट्रिम वर 45,000 रुपयांपर्यंतचे कॅश डिस्काउंट, 4,000 रुपयांपर्यंतचा लॉयल्टी रिवार्ड आणि 23,000 रुपयांपर्यंतचे कॉर्पोरेट डिस्काउंट मिळेल.
(डिस्क्लेमर: डिस्काउंट ऑफर्स लोकेशन आणि स्टॉकवर निर्धारीत आहे. अधिक माहितीसाठी होंडाच्या जवळच्या शोरूमशी संपर्क साधा.)
