अपडेटेड डिझाईन, जबरदस्त फीचर्ससह रेनॉ अधिकृत Dacia ची 2022 Duster बाजारात

रेनॉच्या (Renault) मालकीच्या डॅसियाने (Dacia) अखेर आपली सेकेंड जनरेशन डस्टर कार सादर केली आहे. ही एसयूव्ही भारतीय बाजारात रेनॉ ब्रँड अंतर्गत विकली जात आहे.

Dacia Duster

टीव्ही 9 मराठी डिजीटल टीम | Updated on: Jun 24, 2021 | 10:48 PM

मुंबई : रेनॉच्या (Renault) मालकीच्या डॅसियाने (Dacia) अखेर आपली सेकेंड जनरेशन डस्टर कार सादर केली आहे. ही एसयूव्ही भारतीय बाजारात रेनॉ ब्रँड अंतर्गत विकली जात आहे. मिड-लाइफ फेसलिफ्टचा एक भाग असल्याने, नवीन 2022 डस्टरला एक नवं आकर्षक डिझाइन आणि तंत्रज्ञान प्राप्त झालं आहे. कारचा बाहेरील लुक खूप हेवी दिसतो. तसेच ही कार एका दमदार एसयूव्हीसारखी दिसते. (Renault authorized Dacia reveals 2022 duster with updated design)

नवीन डस्टरमध्ये Y शेप हेडलाइट डिझाइन आहे, जे क्रोम ग्रिलसह येतं. त्याच वेळी, त्यात आणखी एक बदल केला आहे, तो म्हणजे एलईडी फ्रंट इंडिकेटर. यामध्ये आपल्याला 15 इंच आणि 16 इंचांचे व्हील पर्याय उपलब्ध आहेत जे स्पॉयलर डिझाइनसह आलं आहे.

काय आहे खास?

कारच्या केबिन फीचरमध्ये बदल करण्यात आला आहे. यामध्ये तुम्हाला रीडिझाइन कन्सोल आणि अधिक स्टोरेज, नवीन मटेरियल आणि 8.0 इंचांची टचस्क्रीन मिळते. ही स्क्रीन स्मार्टफोन इंटीग्रेशनसह येते. कारच्या इतर फीचर्सविषयी बोलायचे झाल्यास यामध्ये क्रूज कंट्रोल, ऑटोमॅटिक हेडलाइट्स, ऑटोमेटिक क्लायमेट कंट्रोल आणि हीटेड फ्रंट सीट्स मिळतात. इतर फीचर्स या कारच्या मोठ्या व्हेरिएंटसाठी आहेत.

नवीन डस्टर आता बर्‍याच आकर्षक डिझाइनमध्ये सादर केली आहे. युरोपमध्ये नवीन डस्टर सध्या 1.0 लीटर टर्बो पेट्रोल इंजिनमध्ये उपलब्ध असेल. हे युनिट 89bhp ची शक्ती देते. त्याच वेळी, आपल्याला 1.3 लीटर पेट्रोल इंजिनदेखील मिळेल जे 128bhp ची शक्ती देते. त्याच वेळी, आपण 1.5 लीटर डिझेल इंजिन देखील निवडू शकता जे 113bhp शक्तीसह येईल. शेवटी, आपल्याला एक 1.0-लीटरची बाय-फ्यूल मोटर मिळेल जी पेट्रोल आणि सीएनजी सपोर्टसह येते.

कंपनी अद्याप भारतीय बाजारात फर्स्ट जनरेशन डस्टर विकत आहे. रेनॉ सध्या सीएमएफ मॉड्यूलर प्लॅटफॉर्म-आधारित मॉडेल जसे कि कायगर, क्विड आणि ट्रायबरला पसंती देत असल्याने नवीन मॉडेल भारतात लवकर येण्याची शक्यता खूपच कमी आहे.