किंमत 1 लाखांपेक्षा कमी, अ‍ॅक्टिव्हा-ज्युपिटरला टक्कर देणार 2 नव्या स्कूटर्स, जाणून घ्या
होंडा अ‍ॅक्टिव्हा आणि टीव्हीएस ज्युपिटरचा भारतातील स्कूटर बाजारात दबदबा कायम आहे. तरीही या सेगमेंटमध्ये अनेक कंपन्या आपली उत्पादने आणत आहेत. आता सुझुकीने ही आपल्या दोन स्कूटर लाँच केल्या आहेत. चला तर मग जाणून घेऊया.
तुम्हाला स्कूटर घ्यायची असेल तर ही बातमी नक्की वाचा. स्कूटर सेगमेंटमध्ये होंडा अ‍ॅक्टिव्हा आणि टीव्हीएस ज्युपिटरच्या स्टेटसला टक्कर देण्यासाठी अनेक कंपन्या रिंगणात उतरल्या आहेत. आता 2 नवीन स्कूटरही भारतीय बाजारात लाँच करण्यात आल्या आहेत. जपानची ऑटोमोबाईल कंपनी सुझुकीने 2 स्कूटर्सची अपडेटेड एडिशन लाँच केली आहे, ज्याचे अ‍ॅक्सेस मॉडेल आधीच बाजारात उपलब्ध आहे आणि प्रत्यक्षात अ‍ॅक्टिव्हा आणि ज्युपिटरची दावेदार आहे.
सुझुकीने सुझुकी एव्हेनिस आणि सुझुकी बर्गमन सीरिजच्या अपडेटेड स्कूटर्स लाँच केल्या आहेत. आता नव्या उत्सर्जन निकषांनुसार या स्कूटरओबीडी-2B कम्प्लायंट इंजिनसह लाँच करण्यात आल्या आहेत. यामुळे कंपनीच्या सर्व स्कूटर आणि मोटारसायकलचा पोर्टफोलिओ आता ओबीडी-2B कम्प्लायंट झाला आहे. सुझुकीच्या पोर्टफोलिओमध्ये व्ही-स्टॉर्म, जिक्सर SF 250, जिक्सर 250, जिक्सर SF आणि जिक्सर सारख्या टू-व्हीलर्सचा समावेश आहे.
किंमत एक लाख रुपयांपेक्षा कमी
सुझुकीच्या नव्या ओबीडी-2B कम्प्लायंट सुझुकी एव्हेनिस स्कूटरची एक्स-शोरूम किंमत 93,200 रुपयांपासून सुरू होते. मात्र त्याच्या एका स्पेशल एडिशन स्कूटरची किंमत 94,000 रुपयांपासून सुरू होते. ही स्पेशल एडिशन मेटॅलिक मॅट ब्लॅक आणि मॅट टायटॅनियम सिल्व्हर कलरमध्ये उपलब्ध असेल. तर रेग्युलर मॉडेलमध्ये तुम्हाला 4 स्टँडर्ड कलर मिळतील. सुझुकी एव्हेनिसमध्ये 125cc चे 4-स्ट्रोक सिंगल सिलिंडर इंजिन देण्यात आले आहे. हे इंजिन 8.5 BHP पॉवर आणि 10nm पीक टॉर्क जनरेट करते.
याशिवाय कंपनीने सुझुकी बर्गमन स्ट्रीट सीरिजच्या स्कूटर्सचे अपडेटेड व्हर्जन लाँच केले आहे. बर्गमन स्ट्रीटची किंमत 95,800 रुपयांपासून सुरू होते. तर बर्गमन स्ट्रीट एक्स मॉडेलची किंमत 1.16 लाख रुपयांपासून सुरू होईल. कंपनी बर्गमन स्ट्रीटला स्टँडर्ड एडिशन व्हेरिएंट आणि राइड कनेक्ट व्हेरिएंटसह ऑफर करते. या स्कूटरमध्ये तुम्हाला सुझुकी एव्हेनिससारखेच इंजिन मिळते.
ओबीडी-2B इंजिन म्हणजे काय?
देशात उत्सर्जनाशी संबंधित नियम बदलण्यात आले तेव्हा BS-6 लाँच करण्यात आले. BS-6 च्या दुसऱ्या टप्प्याला ओबीडी-2B कम्प्लायंट म्हणतात. याचे पूर्ण स्वरूप ‘ऑन-बोर्ड डायग्नोस्टिक व्हर्जन 2B’ असे आहे. या प्रकारच्या इंजिनमध्ये आपल्या वाहनाच्या आत एक यंत्रणा बसवली जाते, जी रिअल टाइममध्ये आपल्या वाहनातून होणाऱ्या उत्सर्जनावर लक्ष ठेवते. त्यात काही बदल झाला तर तो तुम्हाला अलर्ट पाठवतो. याचा फायदा म्हणजे इंजिनमधील संभाव्य बिघाड सुरुवातीच्या टप्प्यात पकडला जातो.
