Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Mercedes-Benz : विना चालक धावणार कार! मर्सिडीज-बेंझला ग्रीन सिग्नल, टेस्लाला मिळाली धोबीपछाड

Mercedes-Benz : विना चालक कारचे स्वप्न आता फार दूर नाही. स्वयंचलित तंत्रज्ञानाच्या आधारे या कार लवकरच रस्त्यावर धावतील. अनेक आघाडीच्या कंपन्यांमध्ये त्यासाठी चूरस आहे..

Mercedes-Benz : विना चालक धावणार कार! मर्सिडीज-बेंझला ग्रीन सिग्नल, टेस्लाला मिळाली धोबीपछाड
Follow us
| Updated on: Jun 09, 2023 | 2:26 PM

नवी दिल्ली : विना चालक कारचे (Car without Driver) स्वप्न आता फार दूर नाही. स्वयंचलित तंत्रज्ञानाच्या आधारे या कार लवकरच रस्त्यावर धावतील. अनेक आघाडीच्या कंपन्यांमध्ये त्यासाठी चूरस सुरु आहे. अत्याधुनिक तंत्रज्ञान, कृत्रिम बुद्धिमतेचा वापर, रस्त्याची, वाहनांच्या गर्दीची अचूक माहिती देणारे अद्ययावत तंत्रज्ञान यांच्या मदतीने ही कार रस्त्यावरुन दिमाखात धावेल. आतापर्यंत काही कंपन्यांनी या कार विकसीत करुन त्याची चाचणी पण केली आहे. आता सार्वजिनक रस्त्यावर धावणाऱ्या स्वयंचलित कारसाठी (Automated Driving Technology) मर्सिडीज-बेंझला ग्रीन सिग्नल मिळाले आहे. टेस्ला कंपनीवर याबाबतीत बेंझने मात केली आहे.

कॅलिफोर्नियाने दिली परवानगी कॅलिफोर्नियाच्या मोटर वाहन विभागाने गुरुवारी यासाठीची परवानगी दिली. त्यामुळे मर्सिडीज-बेंझची (Mercedes-Benz) ऑटोमेटेड ड्रायव्हिंग टेक्नॉलॉजीवर आधारीत कार काही अटींसह सार्वजनिक रस्त्यांवरुन धावेल. कॅलिफोर्निया ही तशी टेस्लाची (Tesla) बाजारपेठ आहे. या ठिकाणी टेस्लाच्या कारची मोठ्या प्रमाणात विक्री होते. गेल्यावर्षी टेस्लाचा या ठिकाणच्या बाजारपेठेत 16 टक्के हिस्सा होता. जागतिक वृत्तसंस्था रॉटर्सने याविषयीचे वृत्त दिले आहे.

टेस्लावर मात जर्मनीची कार उत्पादक मर्सिडीज बेंझने या नवीन तंत्रज्ञानाआधारे कार थेट उतरविण्यात टेस्लावर मात केली आहे. आता बेंझ त्यांच्या कार थेट विक्री करु शकतील वा भाड्याने देऊ शकतील. कॅलिफोर्नियातील वाहतूक विभागाने त्यासाठीची रीतसर परवानगी या जर्मनीच्या कंपनीला दिली आहे.

हे सुद्धा वाचा

लेव्हल3 कार कॅलिफोर्नियाच्या वाहतूक विभागाने मर्सिडीज-बेंझच्या लेव्हल-3 कारसाठी ड्राईव्ह पायलट प्रकल्पाला मंजूरी दिली आहे. यामध्ये चालकाला डोळे झाकून प्रवास करता येईल. पण कारचे नियंत्रण त्याला त्याच्याकडेच ठेवावे लागणार आहे. तसेच वेगावर पण त्याला आवर घालावी लागणार आहे.

किती असावा वेग Drive Pilot या प्रकल्पाला मंजूरी देताना काही अटी ठेवण्यात आल्या. त्यानुसार, महामार्गावरुन कार धावताना एक निश्चित मर्यादा पाळावी लागणार आहे. त्यासाठी 40 मैल प्रति एक तास ही वेग मर्यादा ठेवण्यात आली आहे.

पुढील वर्षात कार रस्त्यावर मर्सिडीज बेंझने कार उत्पादनाविषयी माहिती दिली. त्यानुसार, ऑटोमेटेड ड्रायव्हिंग सिस्टिम पुढील वर्षी अमेरिकेच्या बाजारात उपलब्ध असेल. 2024 मध्ये S-Class आणि EQS Sedan ही मॉडेल उपलब्ध असतील. यावर्षानंतरच ही मॉडेल बाजारात दाखल होतील, असे कंपनीचे म्हणणे आहे.

हे तंत्रज्ञान किती सुरक्षित ऑटोमॅटिक कार आल्याने सेफ्टी फिचर्स वाढले आहेत. कारमध्ये अत्याधुनिक तंत्रज्ञान आल्याने सुरक्षित प्रवासाची हमी मिळते. पण प्रत्येक देशातील ट्रॅफिकचे नियम, त्या नियमांचे पालन करणारे नागरिक यांच्या चुका या तंत्रज्ञानासाठी अडचणीचे आणि धोकादायक ठरु शकते. स्वयंचलित वाहनांना बेशिस्त, गर्दीच्या ठिकाणी चालविणे हे तंत्रज्ञानाचे कौशल्यच ठरेल.

पंतप्रधान मोदींचा नागपूर दौरा; आरएसएसच्या मुख्यालयाला दिली भेट
पंतप्रधान मोदींचा नागपूर दौरा; आरएसएसच्या मुख्यालयाला दिली भेट.
हरीभाऊ बागडेंच्या हेलिकॉप्टरला अपघात; व्हिडिओ व्हारायल
हरीभाऊ बागडेंच्या हेलिकॉप्टरला अपघात; व्हिडिओ व्हारायल.
साईबाबांच्या पालखी सोहळ्यात आदित्य ठाकरेंना ढोल वाजवण्याचा मोह अनावर
साईबाबांच्या पालखी सोहळ्यात आदित्य ठाकरेंना ढोल वाजवण्याचा मोह अनावर.
पंतप्रधान मोदींच्या दौऱ्यानिमित्त नागपूरात जोरदार बॅनरबाजी
पंतप्रधान मोदींच्या दौऱ्यानिमित्त नागपूरात जोरदार बॅनरबाजी.
महाराष्ट्रासह मुंबईकरांसाठी मोठी बातमी, पुढील 4 ते 5 दिवस राज्यात...
महाराष्ट्रासह मुंबईकरांसाठी मोठी बातमी, पुढील 4 ते 5 दिवस राज्यात....
'कुत्रे अन् मांजरांवरून..', वाघ्या कुत्र्याच्या वादावर जरांगेंचं भाष्य
'कुत्रे अन् मांजरांवरून..', वाघ्या कुत्र्याच्या वादावर जरांगेंचं भाष्य.
प्रत्येक गोष्टीत वाद..., वाघ्या समाधीच्या वादावरून मुख्यमंत्री संतापले
प्रत्येक गोष्टीत वाद..., वाघ्या समाधीच्या वादावरून मुख्यमंत्री संतापले.
'... तर मुंडेंची आमदारकी रद्द होणार', अजंली दमानियांचं मोठं वक्तव्य
'... तर मुंडेंची आमदारकी रद्द होणार', अजंली दमानियांचं मोठं वक्तव्य.
'मुलं मुंडेंची बायको नाही, अस कसं..', करूणा शर्मांची पहिली प्रतिक्रिया
'मुलं मुंडेंची बायको नाही, अस कसं..', करूणा शर्मांची पहिली प्रतिक्रिया.
करूणा शर्मांच्या याचिकेवर मुंडेंचे वकील म्हणाले, लग्न झालच नाही तर...
करूणा शर्मांच्या याचिकेवर मुंडेंचे वकील म्हणाले, लग्न झालच नाही तर....