Apple Store : ॲपल कर्मचाऱ्यांना लागली लॉटरी! पगाराचे आकडे पाहून गदगद व्हाल
Apple Store : देशात ॲपल कर्मचाऱ्यांना लॉटरी लागली आहे. कर्मचाऱ्यांच्या पगाराचे आकडे पाहून तुम्ही म्हणाल काय नशीब उघडले राव..
नवी दिल्ली : अखेर ॲपलने भारतात त्यांचे अधिकृत बस्थान बसविले. आता भारतात आयफोनपासून सर्व उत्पादने मिळण्याचे अधिकृत ठिकाण उपलब्ध झाले आहे. कंपनीचे सीईओ टीम कूक यांनी अधिकृतपणे ही सेवा सुरु केली आहे. भारतात Apple ने दोन ठिकाणी नवीन स्टोअर उघडले आहेत. 2025 पर्यंत, प्रत्येक 100 पैकी 25 आयफोन भारतीय असतील, म्हणजे, भारतात त्यांची निर्मिती होईल. भारतात कंपनीने मोठा कर्मचारी वर्ग कामावर ठेवला आहे. त्यांच्या पगाराचे आकडे थक्क करणारेच नाहीत तर प्रतिस्पर्धी कंपन्यांतील कर्मचाऱ्यांना धक्का देणारे आहेत. किती आहे या कर्मचाऱ्यांना पगार?
इतके आहे वेतन ॲपल हा ब्रँड महागडा आहे. त्याची उत्पादने महाग आहेत. आयफोन आणि इतर उत्पादनाच्या किंमती तर तुम्हालाही माहिती आहे. ही कंपनी तिच्या कर्मचाऱ्यांना गलेलठ्ठ पगार देते. कंपनीने अथवा कर्मचाऱ्यांनी त्यांच्या पगाराची माहिती दिली नाही. याविषयीचा अधिकृत आकडा नाही. मीडिया रिपोर्टनुसार, भारतातील ॲपल स्टोअरमध्ये काम करणाऱ्या कर्मचाऱ्यांना दरमहा 1 लाख रुपयांचे वेतन देण्यात येणार आहे. म्हणजे या स्टोअरमधील कर्मचाऱ्यांना 12 लाख अथवा त्यापेक्षा अधिकचे वार्षिक पॅकेज देण्यात येणार आहे.
कर्मचाऱ्यांकडे विशेष कौशल्य अर्थात एवढा वार्षिक पगार घेणारे कर्मचारी पण विशेष कौशल्य आणि तंत्रज्ञानाचे शिक्षण पूर्ण केलेले आहेत. या कर्मचाऱ्यांकडे एमबीए, एमटेक, इलेक्ट्रिकल इंजिनिअरिंग, बीटेक, रोबोटिक्स अशा पदव्या आहेत. काहींचे तर परदेशी विद्यापीठातून शिक्षण पूर्ण झाले आहे. काही रिपोर्टनुसार, हे कर्मचारी बहुभाषिक आहेत. त्यांना स्थानिक भाषेशिवाय इतर ही अनेक भाषा येतात.
देशात मोबाईलची मोठी अर्थव्यवस्था देशात गेल्या आर्थिक वर्षात मोबाईल फोनची निर्यात प्रचंड वाढली. हा आकडा 11.12 अब्ज डॉलर, जवळपास 90,000 कोटी रुपये इतका आहे. यामध्ये ॲपलचा वाटा अर्धा आहे. त्यामुळेच ॲपलने भारतात पाऊल ठेवण्याचे धाडस केले. त्याला प्रतिसादही जोरदार मिळत आहे. ॲपल स्टोअरमध्ये खरेदीसाठी रांगा लागल्या आहेत.
सीईओचा पगार किती बऱ्याचदा आपण कंपनी बदलली की नशीब पालटले असे म्हणतो. पण ॲपलचे नशीब टीम कूक यांच्या येण्याने पार पालटून गेले. 2011 मध्ये टीम कूक हे ॲपलचे सीईओ झाल्यानंतर या कंपनीचे नशीब बदलले. कंपनीचे मार्केट कॅप 235 लाख कोटींच्या पुढे गेले. टीम कूक यांना 2018 मध्ये 84 कोटी रुपयांचा बोनस मिळाला. 2022 साली कंपनीचे सीईओ म्हणून त्यांना वार्षिक 815 कोटी रुपयांचे पॅकेज मिळाले. त्यानंतर यंदा त्यांनी स्वतःच पगारात कपात करत तो 402 कोटी रुपयांवर आणला.
