Honda च्या ‘या’ शानदार बाईकवर 3500 रुपयांचा डिस्काऊंट, कुठे मिळतेय ऑफर?
वाहन निर्मात्या कंपन्यांनी जून महिन्यात विविध मॉलेडल्सवर डिस्काऊंट जारी केले आहेत. या बाबतीत होंडा मोटारसायकल अँड स्कूटर इंडिया ही कंपनी आघाडीवर आहे.
मुंबई : अनेक वाहन निर्मात्या कंपन्यांनी जून महिन्यात त्यांच्या विविध मॉलेडल्सवर डिस्काऊंट जारी केले आहेत. या बाबतीत होंडा मोटारसायकल अँड स्कूटर इंडिया (Honda Motorcycle and Scooter India) ही कंपनी आघाडीवर आहे. ही जपानी दुचाकी निर्माता कंपनी कम्यूटर सेगमेंट व्हीकल्सवर 3500 रुपयांची सवलत देत आहे. (Honda Offering up to Rs 3,500 casback on Honda Shine, Unicorn and X Blad)
कंपनीने होंडा अ‍ॅक्टिव्हा, ग्रॅझियासारख्या (Grazia) स्कूटर्सवर कॅशबॅक ऑफर देऊ केली आहे, यात आता शाईन (Shine) आणि एक्स ब्लेड (X Blade) या दोन बाईक्सचादेखील समावेश करण्यात आला आहे. ही ऑफर हा संपूर्ण महिनाभर (जून) उपलब्ध आहे.
ग्राहकांना या ऑफरसाठी एसबीआय क्रेडिट कार्डद्वारे खरेदी करावी लागेल. म्हणजेच या कार्डद्वारे तुम्हाला 40,000 रुपये स्वाइप करावे लागतील, त्यानंतरच तुम्हाला ही ऑफर मिळेल. आपण डीलरशिपला भेट देऊन किंवा ऑनलाइन हे करू शकता. परंतु आपल्याला प्रथम डीलरशिपवर जाऊन एकदा या ऑफरची पुष्टी करावी लागेल. होंडा युनिकॉर्न या बाईकवरदेखील कंपनीने ऑफर देऊ केली आहे.
होंडा युनिकॉर्नमध्ये 163 सीसी क्षमतेचं इंजिन दिले गेले आहे, जे 12.73 एचपी पॉवर आणि 14 एनएम टॉर्क जनरेट करतं. आपल्याला या इंजिनमध्ये 5 स्पीड गिअरबॉक्स मिळेल. यामध्ये तीन तीन रंग उपलब्ध आहेत, ज्यामध्ये मॅट अॅक्सिस, ग्रे मेटॅलिक, पर्ल Igneous ब्लॅक आणि Imperial रेड मेटॅलिकचा समावेश आहे. HMSI कंपनी एक्स ब्लेडवरसुद्धा डिस्काऊंट देत आहे.
होंडाच्या सर्व दुचाकी बीएस 6 era सह येतात. यावर तीन वर्षांची वारंटी मिळते, तर पुढील तीन वर्षांसाठी ग्राहकाला अतिरिक्त प्रीमियम घ्यावा लागतो. होंडा मोटारसायकल आणि स्कूटर इंडिया ग्राहकांसाठी सातत्याने अधिकाधिक क्षमतेच्या मोटरसायकल्स ऑफर करत आहे.
होंडाच्या 650cc, 500cc वाहनांच्या किंमतीत वाढ
परंतु या मोटारसायकल्सच्या किंमती खूप जास्त आहेत, अशा परिस्थितीत कंपनीने कोणती नवी रणनीती आखली आहे, ही बाब सध्या तरी स्पष्ट नाही. HMSI 650cc आणि 500cc वाहनांच्या किंमती वाढवत आहे. अशा परिस्थितीत जर एखादा ग्राहक अशी बाईक घेण्याचा विचार करीत असेल तर त्याला पुन्हा एकदा विचार करावा लागेल. कंपनी येत्या काळात मेड इन इंडिया बाईक बाजारात सादर करु शकते. या दुचांकींची किंमतदेखील कमी असेल, असे म्हटले जात आहे.
इतर बातम्या
Harley-Davidson ची 1250cc बाईक लाँचिंगसाठी सज्ज, नव्या सेगमेंटमध्ये एंट्री, जाणून घ्या काय असेल खास?
अवघ्या दोन तासात सर्व बाईक्सची विक्री, ‘या’ इलेक्ट्रिक बाईकसाठी ग्राहकांच्या रांगा
Suzuki Hayabusa 2021 ची भारतात डिलीव्हरी सुरु, जाणून घ्या नव्या बाईकमध्ये काय आहे खास?
(Honda Offering up to Rs 3,500 casback on Honda Shine, Unicorn and X Blad)
