Fact Check : मोदी सरकार महिलांच्या खात्यात जमा करणार 60 हजार?
केंद्र सरकार 'महिला शक्ती योजने' (Mahila Shakti Yojana) अंतर्गत सर्व महिलांच्या बँक खात्यात 60,000 रुपये जमा करणार आहे असा दावा करण्यात आला आहे.
नवी दिल्ली : सध्या सोशल मीडियावर काय व्हायरल होईल याचा नेम नाही. आताही असाच एक व्हीडिओ यूट्यूबवर (Youtube) प्रसिद्ध झाला आहे. या व्हीडिओमध्ये केंद्र सरकार ‘महिला शक्ती योजने’ (Mahila Shakti Yojana) अंतर्गत सर्व महिलांच्या बँक खात्यात 60,000 रुपये जमा करणार आहे असा दावा करण्यात आला आहे. पण या व्हीडिओ प्रत्यक्षात खरा आहे का? की फसवणुकीसाठी आहे हे जाणून घेणं महत्त्वाचं आहे. भारत सरकारच्या अधिकृत ट्विटर अकाऊंटवरून पीआयबी फॅक्ट चेकने (PIB Fact Check) याबद्दल महत्त्वाचा खुलासा केला आहे. (fact check modi government depositing rs 60000 in women bank know real truth)
पीआयबी फॅक्ट चेकने दिलेल्या माहितीनुसार, हा व्हीडिओ बनावट असून यातून नागरिकांची फसवणूक केली जात असल्याचं त्यांनी म्हटलं आहे. इतकंच नाही तर अशा कोणत्याही बातम्यांवर विश्वास ठेवण्याआधी अधिकृत माहिती जाणून घ्या आणि सतर्क राहा असंही पीआयबी फॅक्ट चेकने सांगितलं आहे.
काय आहे नेमका व्हीडिओ?
कोरोना संकटात महिलांच्या खात्यात मोदी सरकारने तीन हप्त्यांमध्ये 1,500 रुपये जमा केले होते. पण सध्या व्हायरल झालेल्या व्हीडिओमध्ये महिलांच्या बँक खात्यात 60 हजार रुपये जमा करत असल्याचा दावा करण्यात येत आहे. ‘महिला शक्ती योजने’अंतर्गत केंद्र सरकार सर्व महिलांच्या बँक खात्यात 60 हजारांची रोख रक्कम देणार असल्याचं यामध्ये म्हटलं आहे. पण हा व्हीडिओ बनावट असल्याचं समोर आलं आहे.
दावा: एक #Youtube वीडियो में दावा किया जा रहा है कि केंद्र सरकार ‘महिला शक्ति योजना’ के तहत सभी महिलाओं के बैंक खाते में ₹60,000 की नकद राशि दे रही है।#PIBFactcheck: यह दावा फर्जी है। केंद्र सरकार द्वारा ऐसी कोई योजना नहीं चलाई जा रही है। pic.twitter.com/H5OXNYnF4T
— PIB Fact Check (@PIBFactCheck) December 7, 2020
जाणून घ्या काय आहे सत्य?
ही व्हायरल पोस्ट बनावट असल्याचं पीआयबीनं म्हटलं आहे. यासंबंधी त्यांनी एक ट्वीटदेखील केलं आहे. केंद्र सरकार महिला शक्तीसारखी अशी कोणतीही योजना चालवत नसल्याचं पीआयबीने म्हटलं आहे.
तुम्हीही असा करा फॅक्टचेक
असा कुठलाही मेसेज आला तर तुम्ही याची अधिकृत माहिती मिळवू शकता. यासाठी https://factcheck.pib.gov.in/ या वेसबाईटवर किंवा व्हॉट्सअ‍ॅप नंबर +918799711259 किंवा ईमेलः pibfactcheck@gmail.com वर फॅक्ट चेकसाठी पीआयबीला पाठवू शकता. ही माहिती पीआयबी वेबसाइट https://pib.gov.in वर देखील उपलब्ध आहे. (fact check modi government depositing rs 60000 in women bank know real truth)
इतर बातम्या –
महाराष्ट्रातल्या आणखी एका बँकेचा परवाना रद्द, ग्राहकांना कसे मिळणार पैसे परत?
वर्कफ्रॉम होममुळे कंपन्यांची मोठी आर्थिक बचत; ऑफिस खरेदीवरही परिणाम
(fact check modi government depositing rs 60000 in women bank know real truth)
