Adani Group: अदानी यांची एक चाल अन् एका झटक्यात मिळाले 1450 कोटी रुपये

Adani Power Payment: बांगलादेशात राजकीय उलथापालथ झाली. त्यानंतर त्या देशातील परिस्थिती गंभीर बनली आहे. बांगलादेशातील हिंसाचारामुळे अनेक कंपन्या दुसऱ्या देशांकडे वळल्या आहेत. त्यानंतर बांगलादेशवर कर्जाचा ढोंगर वाढत आहे. बांगलादेश पॉवर बोर्डवर अदानी पॉवरची 7000 कोटींची थकबाकी झाली होती. यासंदर्भात अदानी पॉवर झारखंड लिमिटेडने अनेक स्मरणपत्र बांगलादेश पॉवर बोर्डाला दिले. त्यानंतरही थकबाकी मिळाली नाही. यामुळे गौतम अदानी यांच्या अदानी पॉवर कंपनीने बांगलादेशला दिला जाणारा वीजपुरवठ्यात कपात करत निम्मा केला. त्यानंतर बांगलादेशात वीज संकट निर्माण झाले. यामुळे बांगलादेशमधील मोहम्मद युनूस सरकार खळबळून जागे झाले. त्यांनी तातडीने अदानी पॉवरच्या खात्यात 1,450 कोटी रुपयांचे नवीन लेटर ऑफ क्रेडिट (LC) दिले.

अदानी पॉवर झारखंडमधील गोदा कोळसा प्लॅन्टमधून बांगलादेशला 1,600 मेगावॉट विजेचा पुरवठा करते. परंतु थकबाकी झाल्यामुळे हा वीज पुरवठा कमी करण्यात आला. अदानी पॉवरने बांगलादेश पॉवर बोर्डाकडून अजून 15-20 मिलियन डॉलरच्या पेमेंटची मागणी केली आहे. अन्यथा 800 मेगावॉटचे एक युन‍िट बंद करण्यात येणार असल्याचे म्हटले आहे.

2015 मध्ये 25 वर्षांसाठी करार

अदानी पॉवरकडून बांगलादेशला लागणाऱ्या वीज पुरवठ्यापैकी 10% वीज पुरवठा केला जातो. त्यासाठी बांगलादेश पॉवर बोर्डासोबत 25 वर्षांसाठी करार 2015 मध्ये करण्यात आला. जुलै ते ऑक्टोबर दरम्यान अदानी पॉवरची 400 मिलियन डॉलर बांगलादेश पॉवर बोर्डाकडे थकले आहे. परंतु त्यातील अर्धीच रक्कम मिळाली आहे.

हे सुद्धा वाचा

Success Story: वयाच्या 21 व्या वर्षी विना कोचिंग UPSC मध्ये 13 वी रँक, IAS अन् IPSची नोकरी फेटाळली, निवडले…

बेरोजगार तरुणांच्या खात्यावरुन शंभर ते सव्वाशे कोटी रुपयांचे आर्थिक व्यवहार, सहकारी बँकेतील प्रकाराने…

अमेरिकेतील ‘सीआयए’चे प्रमुख भारत वंशीय व्यक्तीकडे? कोण आहे काश पटेल? ISIS ते बगदादीपर्यंत सर्वांचा केला होता सफाया

बराक ओबामांची ती बोचणारी टीका, मग उद्योगपती असलेल्या डोनाल्ड ट्रम्प यांनी ठरवले राष्ट्रध्यक्ष बनायचं

5500 कोटी रुपये येणे बाकी

अदानी पॉवरकडून बांगलादेशला देण्यात येणाऱ्या वीज पुरवठ्यापैकी 95-97 मिलियन डॉलर (जवळपास 800 कोटी रुपये) दर महिन्याला मिळतात. परंतु ऑगस्ट महिन्यात शेख हसीना सरकार गेल्यानंतर बांगलादेशचे परकीय चलन भंडार कमी झाले. त्यामुळे बांगलादेशला तेल आणि वीज पुरवठ्यासाठी पैसे मिळवणे कठीण झाले. त्यामुळे अदानी पॉवरने बांगलादेशचे उर्जा सचिवांना पत्र लिहिले. त्यात बांगलादेश पॉवर बोर्डाकडे असलेली थकबाकी देण्याचे म्हटले आहे. त्यानंतर वीज पुरवठा कमी करण्यात आला. त्यामुळे 1450 कोटी रुपये मिळाले. परंतु अजूनही 5500 कोटी रुपये येणे बाकी आहे.