Gold Rate Today: सोने आणि चांदी पुन्हा एकदा स्वस्त, पटापट तपासा 10 ग्रॅम सोन्याचे भाव

नवी दिल्लीः आंतरराष्ट्रीय स्तरावरील वाढीमुळे देशांतर्गत पातळीवर सोन्याचे भाव पुन्हा एकदा वाढलेत. देशाची राजधानी दिल्लीमध्ये 10 ग्रॅम सोन्याची किंमत 170 रुपयांनी वाढली. त्याचबरोबर या काळात चांदीच्या दरात 172 रुपयांनी वाढ झाली. जगभरातील शेअर बाजारांमध्ये खरेदीचा टप्पा सुरू असल्याने येत्या काही दिवसांत सोन्याचे भाव कमी होऊ शकतात, असे तज्ज्ञांचे म्हणणे आहे. अशा परिस्थितीत गुंतवणूकदारांचा कल सोन्यापासून शेअर बाजाराकडे वळलाय.

सोन्याची नवी किंमत (Gold Price on 24 August 2021)

मंगळवारी दिल्लीमध्ये 99.9 टक्के असलेल्या 10 ग्रॅम सोन्याची किंमत 46,374 रुपयांवरून 46,544 रुपये झाली. यादरम्यान किमती 170 रुपयांनी वाढल्यात. आंतरराष्ट्रीय स्तरावर सोन्याची किंमत $ 1801 प्रति औंस झाली.

चांदीची नवी किंमत (Silver Price on 24 August 2021)

सोन्याप्रमाणेच चांदीच्या दरातही सलग दुसऱ्या दिवशी वाढ झाली. दिल्लीच्या सराफा बाजारात एक किलो चांदीची किंमत 61,412 रुपयांवरून 61,584 रुपये झाली. या दरम्यान किमतीमध्ये 172 रुपयांनी वाढ झाली. आंतरराष्ट्रीय स्तरावर चांदीची किंमत 23.60 डॉलर प्रति औंस झाली. तज्ज्ञांचे म्हणणे आहे की, मागणी वाढल्याचा परिणाम चांदीच्या किमतींवर दिसून आला.

सोने आणि चांदी का महागली?

एचडीएफसी सिक्युरिटीज कमोडिटीजचे तपन पटेल म्हणतात की, आंतरराष्ट्रीय किमती वाढल्यामुळे देशांतर्गत बाजारात किमती वाढल्या आहेत.

सोन्याची किंमत कोण आणि कशी ठरवते?

ज्या किमतीवर तुम्ही बाजारात सोन्याचे दागिने खरेदी करता ती स्पॉट किंमत आहे. मोठ्या शहरांच्या बुलियन असोसिएशनचे सदस्य मिळून बाजार उघडण्याच्या वेळी त्याची किंमत ठरवतात. त्याच वेळी एमसीएक्स फ्युचर्स मार्केटमध्ये येणाऱ्या किमती व्हॅट, लेव्ही आणि कॉस्ट जोडून घोषित केल्या जातात. किमती दिवसभर चालतात. हेच कारण आहे की, वेगवेगळ्या शहरांमध्ये सोन्याचे भाव वेगवेगळे आहेत. याशिवाय स्पॉट मार्केटमध्ये सोन्याची किंमत शुद्धतेच्या आधारावर ठरवली जाते. 22 कॅरेट आणि 24 कॅरेट सोन्याची किंमत वेगळी आहे.

परदेशात सोन्याचे दर कसे ठरवले जातात?

सोन्याचे भाव अनेक घटकांद्वारे ठरवले जातात. लंडनमध्ये एक ऑपरेशनल आणि प्रशासकीय युनिट आहे जे आंतरराष्ट्रीय स्तरावर आणि राष्ट्रीय पातळीवर सोन्याचे दर ठरवण्यासाठी काम करते. 1919 मध्ये पहिल्यांदा सोन्याची किंमत निश्चित करण्यात आली. 2015 पूर्वी लंडन गोल्ड फिक्स ही सोन्याचे दर निश्चित करण्यासाठी नियामक संस्था होती, परंतु 20 मार्च 2015 नंतर लंडन बुलियन मार्केट असोसिएशन (LBMA) ही एक नवीन संस्था तयार झाली. हे ICE प्रशासकीय बेंचमार्क चालवते. ICE ने 1919 मध्ये स्थापन झालेल्या लंडन गोल्ड फिक्स युनिटची जागा घेतली. ही संस्था जगातील सर्व देशांच्या सरकारांशी संबंधित राष्ट्रीय स्तरावरील संघटनांसह सोन्याची किंमत काय असावी हे ठरवते. लंडनच्या वेळेनुसार, सोन्याचे दर दिवसातून दोनदा सकाळी 10:30 आणि संध्याकाळी 3 वाजता निश्चित केले जातात.

संबंधित बातम्या

नोकरीत पगाराच्या स्लिपचे काय महत्त्व, जाणून घ्या कामाच्या 10 गोष्टी

Gold Price Today : सोने आणि चांदी स्वस्त, किमतीमध्ये मोठी घट, 10 ग्रॅमची किंमत तपासा

Gold Rate Today: Gold and silver once again cheap, check the price of 10 grams of gold