आंतरराष्ट्रीय बाजारातील कच्च्या तेलाच्या किंमतीचा श्रीलंकेला फटका; इंधनाच्या दरात मोठी वाढ, जाणून घ्या भारतात काय स्थिती?
रशिया आणि युक्रेनमध्ये युद्ध सुरूच आहे. आज या युद्धाचा 19 वा दिवस आहे. रशिया युक्रेन युद्धाचा परिणाम हा जागतिक बाजारपेठेवर झाल्याचे दिसून येत आहे. रशिया युक्रेन युद्धामुळे कच्च्या तेलाच्या (crude oil) किमतीमध्ये सातत्याने चढ -उतार होत असल्याचे पहायल मिळत आहे.
Petrol Diesel Rates : रशिया आणि युक्रेनमध्ये युद्ध सुरूच आहे. आज या युद्धाचा 19 वा दिवस आहे. रशिया युक्रेन युद्धाचा परिणाम हा जागतिक बाजारपेठेवर झाल्याचे दिसून येत आहे. रशिया युक्रेन युद्धामुळे कच्च्या तेलाच्या (crude oil) किमतीमध्ये सातत्याने चढ -उतार होत असल्याचे पहायल मिळत आहे. कच्च्या तेलाने प्रति बॅरल 100 डॉलरचा टप्पा कधीच पार केला आहे. अशा सर्व अनिश्चित वातावरणात आज पेट्रोलियम कंपन्यांकडून इंधनाचे नवे दर जारी करण्यात आले. आज देखील पेट्रोल (Petrol), डिझेलच्या (Diesel) किमतीमध्ये कोणताही बदल करण्यात आलेला नाही. कच्च्या तेलाचे वाढत असलेले दर पाहाता पाच राज्यातील निवडणुकांच्या निकालानंतर पेट्रोल डिझेलचे दर वाढतील असा अंदाज व्यक्त करण्यात येत होता. मात्र निवडणूक निकालाच्या चौथ्या दिवशी देखील भारतात पेट्रोल, डिझेलचे दर स्थिर आहेत. त्यात कोणताही बदल करण्यात आलेला नाही. मात्र दुसरीकडे आंतरराष्ट्रीय बाजारपेठेत वाढत असलेल्ये कच्च्या तेलाच्या किमतीचा मोठा फटका हा श्रीलंकेला बसला आहे. गेल्या काही दिवसांत श्रीलंकेत पेट्रोल, डिझेलचे दर तब्बल 15 टक्क्यांनी वाढले आहेत.
प्रमुख शहरातील इंधनाचे दर
ओसीएलकडून प्राप्त माहितीनुसार आज राजधानी दिल्लीमध्ये पेट्रोलचा दर प्रती लिटर 95.41 रुपये तर डिझेलचा दर प्रति लिटर 86.67 रुपये एवढा आहे. मुंबत पेट्रोल आणि डिझेलचा दर अनुक्रमे 109.98 व 94.14 रुपये एवढा आहे. कोलकातामध्ये एक लिटर पेट्रलसाठी 104.67 रुपये आणि डिझेलसाठी 89.79 रुपये आकारले जात आहेत. तर चेन्नईमध्ये एक लिटर पेट्रोलचा दर 101.40 रुपये तर डिझेलचा दर 91.43 रुपये एवढा आहे.
कच्च्या तेलाच्या किमती वाढल्या
रशिया युक्रेन युद्धाच्या पार्श्वभूमीवर कच्च्या तेलाचे दर सातत्याने वाढत आहेत. गेल्या काही दिवसांमध्ये कच्च्या तेलाचे दर 120 डॉलर प्रति बॅरलच्या पुढे पोहोचले आहेत. कच्च्या तेलाचे दर वाढत असल्याने पेट्रल, डिझेलची दरवाढ अटळ मानली जात आहे. पाच राज्यातील निवडणुका होताच दर वाढविले जातील असा अंदाज होता. मात्र निवडणुकीचा निकाल लागल्यानंतर आज चौथ्या दिवशी देखील इंधनाच्या किमती स्थिर आहेत.
संबंधित बातम्या
Russia-Ukraine war : भारतीय स्टील उद्योगाची चांदी; निर्यात 76 टक्क्यांनी वाढली