Naresh Goyal : राजाचा रंक होताना पाहिला का? मग नरेश गोयल यांची कथा वाचाच

नवी दिल्ली | 3 सप्टेंबर 2023 : काही वर्षांपूर्वी कोट्यवधीं रुपयात खेळणारे नरेश गोयल (Naresh Goyal Story) आज तुरुंगाच्या गजाआड आहेत. बँक फ्रॉड प्रकरणात त्यांना सक्त वसुली संचालनालयाने (ED) अटक केली आहे. नरेश गोयल यांनी आईकडून पैसे उधार घेत जेट एअरवेजची सुरुवात केली होती. जेट एअरवेजच्या आयपीओनंतर फोर्ब्सने नरेश गोयल यांची एकूण संपत्ती 1.9 अब्ज डॉलर म्हणजे भारतीय 157,17,55,05,000 रुपये इतकी असल्याचा दावा केला होता. पण त्यांच्या कंपनीचे विमान आकाशातून जमिनीवर उतरले ते उडालेच नाही. त्यांना मोठा फटका बसला. करिअरच्या सुरुवातीला नरेश गोयल यांनी 300 रुपयांवर नोकरी केली होती. त्यानंतर ते जेट एअरवेजचे (Jet Airways) मालक झाले. त्यांच्या राजा ते रंक होण्याचा असा आहे प्रवास

1967 मध्ये 300 रुपयांवर नोकरी

पंजाबमधील संगरुर याठिकाणी डिसेंबर 1949 मध्ये नरेश गोयल यांचा जन्म झाला. दागिने विक्रीचा त्यांच्या वडिलांचा व्यवसाय होता. पण वडिलांच्या निधनाने त्यांचा घरावर अडचणींचा डोंगर कोसळला. आर्थिक संकटांनी त्यांचा पिच्छा सोडला नाही. त्यानंतर मामाने त्यांचे शिक्षण पूर्ण केले. पदवी घेतल्यानंतर त्यांनी ट्रॅव्हल एजन्सीवर कॅशिअरची नोकरी सुरु केली. तेव्हा 300 रुपये पगार होता.

हे सुद्धा वाचा

Income Tax : तुम्ही पण करताय का हीच चूक? कर वाचविण्यासाठी करताय गुंतवणूक

Share Market : शेअर बाजार सूसाट धावणार की होणार धडामधूम! जाणून घ्या बाजाराचा मूड

Jio Financial Share : यात पैसा गुंतवला तर लाईफ झिंगालाल! तज्ज्ञ का झाले जिओवर फिदा

RBI Inflation : सणावर महागाईचे सावट! डाळीचे भाव असे भिडले गगनाला

इराकी विमान सेवेत दाखल

ते लेबनॉनच्या आंतरराष्ट्रीय एअरलाईन्ससोबत जोडल्या गेले. त्यानंतर 1969 मध्ये ते इराकच्या विमान सेवेत पीआर मॅनेजर म्हणून रुजू झाले. 1971 मध्ये रॉयल जॉर्डन एयरलाईन्समध्ये (Royal Jordanian Airlines) ते रुजू झाले. याठिकाणी अनेक पदांवर कामाचा त्यांनी अनुभव घेतला.

आईकडून घेतले पैसे उधार

स्वतःची ट्रॅव्हल एजन्सी सुरु करण्यासाठी त्यांनी आईकडून पैसे उधार घेतले. जेटएअर नावाने 1974 मध्ये त्यांनी एजन्सी सुरु केली. या एजन्सीने फ्रान्स, ऑस्ट्रिया, कॅथी पॅसिफिक एअरलाईन्ससाठी काम सुरु केले. 1991 मध्ये केंद्र सरकारने ओपन स्काईज पॉलिसी अंगिकारली. तेव्हा गोयल यांनी 1992 मध्ये एअरलाईन्स कंपनी सुरु केली. एजन्सीचे नाव त्यांनी जेट एअरवेज असे बदलले. त्याच्या पुढील वर्षात विमान सेवा सुरु झाली. 2004 मध्ये आंतरराष्ट्रीय विमान सेवा सुरु करण्यात आली. 2007 मध्ये त्यांनी एअर सहारा खरेदी केले. पुढील तीन वर्षे ही कंपनी भारतातील सर्वात मोठी विमान कंपनी होती. पण नंतर त्यांच्या अडचणी वाढल्या. मार्च 2019 मध्ये त्यांना संचालक मंडळावरुन बाजूला व्हावे लागले.

मग तुरुंगवारी

जेट एअरवेजचे व्यवस्थापन गडबडले. नरेश गोयल यांच्यावर ईडीचा फास आवळल्या गेला. फसवणूक प्रकरणात त्यांच्यावर गुन्हा दाखल झाला. कॅनेरा बँकेच्या तक्रारीनंतर अडचणीत आणखी वाढ झाली. बँकेने जेट एअरवेजला 848.86 कर्ज मंजूर केले होते. त्यातील 538.62 कोटी रुपयांचे कर्ज थकलेले आहे. त्यातूनच त्यांना अटक झाली.