Rich Players : जगातील सर्वात श्रीमंत खेळाडूत भारताच्या या पठ्यानेच गाजवले मैदान..पहिल्या स्थानावर या खेळातील महारथी

नवी दिल्ली : क्रिकेट (Cricket) असो वा फुटबॉल (Football) यातील खेळाडू केवळ मैदानचं गाजवतात असं नाही तर, कमाईच्या बाबतीत ही त्यांनी कमाल कामगिरी केली आहे. परंतु, जगातील सर्वात श्रीमंत खेळाडू (Richest Players) क्रिकेट, फुटबॉल वा टेनिसमधील असेल असा तुमचा समज असेल तर तो सपशेल चुकीचा आहे. कारण हे खेळाडू बक्कळ श्रीमंत तर आहेत पण पहिल्या क्रमांकावर एक बास्केटबॉल (Basketball) खेळाडू आहे.

Basketball मधील हा खेळाडूची कमाई लियोनेल मेस्सी (Lionel Messi) आणि क्रिस्टियानो रोनाल्डो (Cristiano Ronaldo’s) यांच्यापेक्षा जास्त आहे. लेब्रोन जेम्स (LeBron James) असे या बक्कळ कमाई करणाऱ्या बॉस्केटबॉलपट्टूचे नाव आहे.

लियोनेल मेस्सी आणि क्रिस्टियानो रोनाल्डो हे कमाईच्या बाबातीत सर्वात जास्त कमाई करणारे खेळाडू आहेत. Spotico’s 100 Highest paid Athletes in the World 2022 या यादीत हे दोन्ही खेळाडू अनुक्रमे दुसऱ्या आणि तिसऱ्या स्थानावर आहेत.

हे सुद्धा वाचा

December Update : वर्षाच्या शेवटच्या महिन्यात होईल हा बदल, तुमच्या खिशावर पडू शकतो भार..

Amol Mitkari : राष्ट्रवादी ही काढणार संवाद यात्रा, या समस्या आणणार पुढे..जाणून घ्या कोणाशी करणार हितगूज..

Digital Currency :उद्यापासून डिजिटल रुपयातून करा व्यवहार, असा करा वापर, इथे करता येणार खरेदी..

Ravikant Tupkar : आताच हस्तक्षेप करा, नाहीतर राज्यात कायदा नि सुरक्षेचा प्रश्न गंभीर..रविकांत तुपकर यांनी का दिला राज्य सरकारला इशारा..

या यादीत पहिल्या स्थानी अर्थातच बॉस्केटबॉलपटू लेब्रोन जेम्स याचा क्रमांक लागतो. त्याची वार्षिक कमाई 126.9 दशलक्ष डॉलर इतकी आहे. कमाईच्या बाबतीत जेम्सने सर्वांना मागे टाकले आहे. तो नावाप्रमाणेच चमकला आहे.

Nike, PepsiCo, Walmart, AT&T, Crypto.com या सह इतर ब्रँडमधून जेम्सची मोठी कमाई होती. मेस्सीची वार्षिक कमाई 122 दशलक्ष डॉलर आहे. तर क्रिस्टियानो रोनाल्डोची वार्षिक कमाई 115 दशलक्ष डॉलर इतकी आहे.

सर्वात जास्त कमाई करणाऱ्या जगातील 100 खेळाडूंमध्ये क्रिकेटमधील केवळ एकाच खेळाडूचा समावेश आहे. भारतीय संघाचा विराट कोहली याचे नाव या यादीत झळकले आहे. त्याची वार्षिक कमाई 33.9 दशलक्ष डॉलर आहे. या यादीत त्याचा 61 वा क्रमांक आहे.