मुकेश अंबानींनी सौर ऊर्जेमध्ये क्रांती आणण्यासाठी ही कंपनी केली खरेदी, हजारो कोटी रुपयांचा करार
जून महिन्यात रिलायन्सच्या वार्षिक सर्वसाधारण सभेत मुकेश अंबानी म्हणाले होते की, कंपनी पुढील तीन वर्षांत स्वच्छ ऊर्जेसाठी 10 अब्ज डॉलर्स खर्च करेल. 2035 पर्यंत नेट कार्बन झिरो होण्याचे कंपनीचे लक्ष्य आहे. यासाठी रिलायन्स न्यू एनर्जी कंपनीदेखील स्थापन करण्यात आली, जी पूर्णतः सहाय्यक कंपनी आहे.
नवी दिल्लीः मुकेश अंबानी अक्षय ऊर्जेबाबत खूप गंभीर आहेत. यासंदर्भात रिलायन्स न्यू एनर्जी सोलर लिमिटेड (RNESL) ची नुकतीच स्थापना झाली. यासह 75 हजार कोटींच्या निधीची घोषणाही करण्यात आली. रिलायन्स न्यू एनर्जीने म्हटले आहे की, त्याने आरईसी सोलर होल्डिंग्जमधील 100 टक्के भाग चीन नॅशनल ब्लूस्टार ग्रुपकडून खरेदी केला. हा करार $ 771 दशलक्ष (सुमारे 5500 कोटी) साठी केला गेला.
रिलायन्स इंडस्ट्रीज कमी किमतीचे सौर पॅनेल बनवू शकणार
या कराराबाबत मुकेश अंबानी म्हणाले की, आरईसी सोलरच्या मदतीने रिलायन्स इंडस्ट्रीज कमी किमतीचे सौर पॅनेल बनवू शकतील. आगामी काळात भारत सौर पॅनल्सचे उत्पादन केंद्र बनेल. अंबानी म्हणाले की, ही कंपनी अधिग्रहित करण्यात आलीय, कारण कंपनी प्रगत तंत्रज्ञानाच्या दिशेने पुढे जाण्याच्या रणनीतीवर काम करत आहे. यासह भारत सौर पॅनेल तयार करण्यात स्वयंपूर्ण होईल.
अंबानी स्वच्छ ऊर्जेवर 10 अब्ज डॉलर्स खर्च करतील
जून महिन्यात रिलायन्सच्या वार्षिक सर्वसाधारण सभेत मुकेश अंबानी म्हणाले होते की, कंपनी पुढील तीन वर्षांत स्वच्छ ऊर्जेसाठी 10 अब्ज डॉलर्स खर्च करेल. 2035 पर्यंत नेट कार्बन झिरो होण्याचे कंपनीचे लक्ष्य आहे. यासाठी रिलायन्स न्यू एनर्जी कंपनीदेखील स्थापन करण्यात आली, जी पूर्णतः सहाय्यक कंपनी आहे.
ही कंपनी सौर ऊर्जा क्षेत्रात अग्रणी
आरईसी सोलर होल्डिंग्जचे मुख्यालय नॉर्वेमध्ये आहे. ऑपरेशनल मुख्यालय सिंगापूरमध्ये आहेत, तर प्रादेशिक केंद्र उत्तर अमेरिका, युरोप, ऑस्ट्रेलिया, आशिया पॅसिफिकमध्ये आहेत. सौर ऊर्जेच्या क्षेत्रात ही एक आंतरराष्ट्रीय आणि खूप मोठी कंपनी आहे. ही कंपनी सौर ऊर्जेच्या संदर्भात तंत्रज्ञानाच्या मदतीने उद्योगातील अग्रणी आहे. आरईसी सोलर होल्डिंग्जद्वारे उत्पादित सौर पॅनेल खूप स्वस्त, टिकाऊ आणि अधिक कार्यक्षम आहेत.
4 GW सौर ऊर्जा उत्पादनाचे वार्षिक लक्ष्य
या कंपनीच्या तंत्रज्ञानाच्या मदतीने एक पॅनेल तयार करण्याची रिलायन्सची योजना आहे. हे जामनगरमधील धीरूभाई अंबानी ग्रीन एनर्जी गीगा कॉम्प्लेक्सच्या गीगा फॅक्टरीमध्ये तयार केले जाईल. या कारखान्याची सुरुवातीची क्षमता वार्षिक 4 GW सौर ऊर्जा आहे. ते 10 GW पर्यंत वाढवावे लागेल.
संबंधित बातम्या
तुम्ही सरकारी नोकरीत असाल तर 4 लाखांचा क्लेम सहज मिळवाल, थकबाकीही मिळणार
31 डिसेंबरपूर्वी आपला आयटीआर भरा, कर दायित्व भरून व्याजाचे पैसे वाचवा
Mukesh Ambani bought the company to revolutionize solar energy, a deal worth thousands of crores of rupees
