Hurun Rich List : भारतात नव श्रीमंतांची नांदी! इतके नवीन अब्जाधीश, रेखा झुनझुनावाल टॉपवर

नवी दिल्ली : युद्ध, महगाई आणि महामारीने जगाला पछाडलं आहे. जगात झपाट्याने अब्जाधीशांची (Billionaires) संख्या घटत आहे. तर भारतात त्यांची संख्या वाढली आहे. जगात मंदीचे सावट असताना भारतात वेगळेच वारे वाहत आहे. गेल्या काही वर्षांत भारतात नवश्रीमंतांची नांदी आली आहे. एक, दोन, तीन, चार, पाच नव्हे तर भारतात अब्जाधीशांचा आकडा झपाट्याने वाढला आहे. भारत ही मोठी बाजारपेठ आहे. त्यामुळे अनेक जागतीक गुंतवणूकदारांनी भारताचा रस्ता धरला आहे. जगातील अब्जाधीशांची संख्या 8 टक्क्यांनी घसरली आहे. यंदा या यादीत 3,112 अब्जाधीशांना स्थान पटकावता आले आहे. पण भारतात हा आकडा वाढला आहे. विशेष म्हणजे हे नव श्रीमंत शहरी भागातील नाहीत. हुरुन श्रीमंतांच्या यादीत (Hurun Rich List 2023) आणखी काय दडलंय?

अब्जाधीशांची संख्या किती

हुरुन ग्लोबल रिच लिस्टनुसार, (Hurun Global Rich) भारतात नवीन अब्जाधीश तयार झाले आहेत. नवीन श्रीमंत तयार होणाऱ्या देशांच्या यादीत भारताचे स्थान तिसरे आहे. जगभरात एकूण 176 अब्जाधीश तयार झालेत. ते पण केवळ 18 देशांमध्येच. या देशांतील 99 शहरातून हे अब्जाधीश येतात. या यादीत भारताच्या 16 अब्जाधीशांचा समावेश आहे. स्‍टॉक मार्केट (Stock Market) टायकून आणि बिग बुल राकेश झुनझुनवाला यांच्या पत्नी रेखा झुनझुनवाला या यादीत सर्वात आघाडीवर आहे. म्हणजेच, या नव श्रीमंतात त्यांच्याकडे अधिक संपत्ती आहे.

हे सुद्धा वाचा

Income Tax : करा घाई, आता पुन्हा संधी नाही! या करदात्यांसाठी दिवस उरलेत फक्त काही, नाहीतर कारवाई

Income Tax App : करदात्यांसाठी जबरी सुविधा! आयकर खात्याने आणले ॲप, असा होईल लाभ

Bisleri : पाणी पेटले रे भावा! ‘Bisleri’ च्या कहाणीत पुन्हा ट्विस्ट, 7000 कोटींचा कारभारी कोण

Gold Silver Price Today : गुरुवार पावला! झरझर चढले, दणकावून आपटले! सोन्याचा निघला दम, भावात कमाल घसरण

5 वर्षांत 30 लाख कोटी कमावले

भारतीय अब्जाधीशांच्या एकूण संपत्तीचा विचार करता, गेल्या पाच वर्षांत त्यांची संपत्ती प्रचंड वाढली आहे. या काळात, सर्व अब्जाधीशांची मिळून 360 अब्ज डॉलर म्हणजे जवळपास 30 लाख कोटी रुपयांची कमाई केली आहे. हुरुनच्या अहवालानुसार, हाँगकाँगच्या (Hong Kong) सकल देशांतर्गत उत्पादना इतकी (GDP) ही रक्कम आहे. भारतीय अब्जाधीशांबाबत एक विशेष बाब म्हणजे, हे श्रीमंत निमशहरी आणि खेड्या गावातून आलेले आहे. त्यांनी स्वतःच्या बळावर हे शिखर गाठले आहे. नवउद्योग, स्टार्टअप बिझनेस या माध्यमातून त्यांनी यशाचे झेंडा फडकावला आहे.

जगात श्रीमंत घटले

जागतिक पातळीवर विचार करता, अब्जाधीशांची संख्या झपाट्याने घटली आहे. हुरुनने वर्ष 2022 च्या यादीत जगभरात 3,384 अब्जाधीश असल्याचा दावा केला होता. तर 2023, या वर्षातील यादीत ही संख्या घटली आहे. यंदा या यादीत 3,112 अब्जाधीशांना स्थान पटकावता आले आहे. जगभरात जवळपास 8 टक्के अब्जाधीश घसरले आहेत. हे सर्व अब्जाधीश 69 देशांचे आहेत. यामध्ये 2,356 कंपन्यांच्या मालकांचा समावेश आहे.