Income Tax Saving: नवीन की जुनी? कोणती आयकर प्रणाली निवडावी, वाचा फायद्याचे गणित
How can save income tax:अर्थमंत्री निर्मला सीतारामन यांनी नवीन कर प्रणालीत बदल केला आहे. स्टँडर्ड डिडक्शन वाढवले आहे. त्यामुळे 7.75 रुपये वार्षिक उत्पन्नावर कर लागणार नाही. परंतु तुमचे त्यापेक्षा जास्त उत्पन्न असल्यास कर लागणार आहे. तुमचे उत्पन्न दहा लाख असेल तर नवीन करप्रणालीत 42,500 रुपये कर लागणार आहे.
![Income Tax Saving: नवीन की जुनी? कोणती आयकर प्रणाली निवडावी, वाचा फायद्याचे गणित Income Tax Saving: नवीन की जुनी? कोणती आयकर प्रणाली निवडावी, वाचा फायद्याचे गणित](https://images.tv9marathi.com/wp-content/uploads/2024/07/Income-Tax-Budget-2024.jpg?w=1280)
अर्थमंत्री निर्माला सीतारामन यांनी मंगळवारी देशाचा अर्थसंकल्प सादर केला. या अर्थसंकल्पात अर्थमंत्र्यांनी नवीन आयकर प्रणाली लोकप्रिय करण्यावर भर दिला. त्यासाठी नवीन आयकर प्रणालीत स्टँडर्ड डिडक्शन 50,000 वरुन वाढून 75,000 रुपये करण्यात आले. तसेच टॅक्स स्लॅब बदलण्यात आला. नवीन कर प्रणालीत आता 7.75 रुपये वार्षिक उत्पन्न असेल तर एक रुपयाही कर लागणार नाही. तसेच जुन्या कर प्रणालीनुसार तुमचा पगार दहा लाख असेल तर तुम्हाला काहीच कर लागणार नाही. मात्र, त्यासाठी नियोजनबद्ध गुंतवणूक करावी लागणार आहे.
नवीन करप्रणालीत किती लागणार कर
अर्थमंत्री निर्मला सीतारामन यांनी नवीन कर प्रणालीत बदल केला आहे. स्टँडर्ड डिडक्शन वाढवले आहे. त्यामुळे 7.75 रुपये वार्षिक उत्पन्नावर कर लागणार नाही. परंतु तुमचे त्यापेक्षा जास्त उत्पन्न असल्यास कर लागणार आहे. तुमचे उत्पन्न दहा लाख असेल तर नवीन करप्रणालीत 42,500 रुपये कर लागणार आहे.
नवीन कर पद्धत | मागील वर्षाची नवीन कर पद्धत | आताची नवीन कर प्रणाली | |
उत्पन्न (वार्षिक) | 10,00000 रुपये | 10,00000 रुपये | |
स्टँडर्ड डिडक्शन | 50,000 रुपये | 75,000 रुपये | |
करपात्र उत्पन्न | 950,000 रुपये | 925,000 रुपये | |
एकूण कर | 52,500 रुपये | 42,500 रुपये | 10,000 रुपये फायदा |
जुन्या करप्रणालीचा दहा लाखांपर्यंत असा घ्या फायदा
- स्टॅडर्ड डिडक्शन 50 हजार रुपये सूट म्हणजे दहा लाखांऐवजी 9.50 लाख रुपयांना कर
- PPF, EPF, ELSS, NSC सारखी योजनेत 80C नुसार गुंतवणूक करा अन् 1.5 लाख रुपये सुट मिळवा. म्हणजे 8 लाख रुपयांवर कर द्यावा लागणार
- राष्ट्रीय पेंशन योजनेत (NPS) 50,000 रुपये गुंतवल्यावर आयकरच्या सेक्शन 80CCD (1B) नुसार 50 हजार रुपये करसवलत मिळते. म्हणजे 7.50 लाख रुपयांना कर लागणार.
- गृहकर्जावरील व्याजावर 24B नुसार 2 लाख रुपये बचत करता येते. म्हणजे करप्राप्त उत्पन्न 5.50 लाख रुपये
- आयकरच्या 80D नुसार वैद्यकीय विमावर 25 हजार रुपये कर बचत. तसचे आई-वडिलांच्या नावावर विमा घेतल्यास आणखी 50,000 रुपये सूट मिळते. म्हणजे आयकर असणारे उत्पन्न 4.75 लाख
- जून्या योजनेनुसार हे उत्पन्न पाच लाखांपेक्षा कमी आहे. त्यामुळे त्याला कोणताही कर लागणार नाही.