पेटीएम वॉलेट बॅलन्स Amazon आणि Phonepe वर देखील वापरता येणार, जाणून घ्या प्रक्रिया

नवी दिल्ली : देशातील सर्वात मोठी ई-वॉलेट कंपनी पेटीएमने अलीकडेच प्रीपेड RuPay कार्ड पेटीएम वॉलेट ट्रान्झिट कार्ड सादर केले. हे कार्ड सर्व व्यापारी आउटलेट्स किंवा ऑनलाईन वेबसाईटवर वापरले जाऊ शकते, जे RuPay कार्ड स्वीकारतात. हे कार्ड एक प्रीपेड कार्ड आहे जे तुमच्या पेटीएम वॉलेट बॅलन्सशी लिंक केले जाईल म्हणजेच या कार्डद्वारे तुम्ही वॉलेट बॅलन्स देखील वापरू शकता. हे कार्ड रुपे प्लॅटफॉर्मवर लॉन्च करण्यात आलेय. सध्या ते व्हर्च्युअल कार्डच्या स्वरूपात दिले जात असून, लवकरच फिजिकल कार्डही दिले जाणार आहे. कालबाह्यता तारीख आणि CVV क्रमांक असलेले हे 16 अंकी कार्ड असेल. या कार्डद्वारे तुम्ही तुमची पेटीएम वॉलेट शिल्लक सर्वत्र ऑनलाईन आणि ऑफलाईन वापरण्यास सक्षम असाल जिथे रुपे कार्डद्वारे पेमेंट केले जाते.

पेटीएम वॉलेट कार्ड POS वर स्वाईप करण्यास सक्षम

उदाहरणार्थ, तुमची पेटीएम वॉलेटची शिल्लक 500 रुपये आहे आणि तुम्ही स्वाईप मशीन (पीओएस) असलेल्या दुकानातून वस्तू खरेदी करत आहात, परंतु पेटीएम वॉलेट पर्याय नाही. अशा परिस्थितीत तुमच्या भौतिक पेटीएम वॉलेट कार्डच्या मदतीने तुम्ही स्वाईप मशीनद्वारे 500 रुपयांचे पेमेंट करू शकाल.

पेटीएम वॉलेट मनी अॅमेझॉनवर वापरता येते

त्याचप्रमाणे कोणताही ऑनलाईन व्यापारी जो पेटीएम वॉलेटमधून पेमेंट घेत नाही, त्याला डेबिट/क्रेडिट कार्डचा पर्याय निवडावा लागेल आणि पेटीएम वॉलेट कार्डचा 16 अंकी क्रमांक, एक्सपायरी डेट आणि सीव्हीव्ही टाकून पेमेंट करावे लागेल. याचा अर्थ पेटीएम वॉलेट ट्रान्झिट कार्डद्वारे तुम्ही अॅमेझॉन, फोनपेसह अनेक वेबसाईटवर पेटीएम वॉलेट शिल्लक खर्च करू शकता.

पेटीएम वॉलेट ट्रान्झिट कार्ड सक्रिय करण्याचा पर्याय कुठे मिळेल?

सर्वप्रथम पेटीएम अॅप उघडा. होम पेजवर, My Paytm विभागात जा आणि Paytm Wallet वर क्लिक करा. तेथे तुम्हाला तळाशी पेटीएम वॉलेट कार्ड सक्रिय करण्याचा पर्याय मिळेल. सध्या निवडक वापरकर्त्यांना हे कार्ड दिले जात आहे.

संबंधित बातम्या

पीएफ खात्यात दोन वेगवेगळी खाती आहेत, 1 एप्रिल 2022 पासून सरकार नवीन नियम आणणार

सार्वजनिक क्षेत्रातील बँकांमध्ये स्वतंत्र संचालकांची नियुक्ती?, लवकरच मंजुरी मिळणार