कोरोना काळात पेट्रोल अन् डिझेलच्या किमतीत मोठी वाढ, पेट्रोल 36 रुपयांनी, डिझेल 27 रुपयांनी महाग

पेट्रोल-डिझेल

नवी दिल्लीः वाहनांच्या इंधनाचे दर वाढवण्याची प्रक्रिया सुरूच आहे. शनिवारी सलग चौथ्या दिवशी पेट्रोल आणि डिझेलचे दर वाढले. पेट्रोल आणि डिझेलच्या दरात प्रतिलिटर 35-35 पैशांनी वाढ झाली. या वाढीमुळे मे 2020 च्या सुरुवातीपासून 18 महिन्यांपेक्षा कमी कालावधीत पेट्रोल 36 रुपयांनी महाग झाले. या दरम्यान डिझेलच्या दरात प्रतिलिटर 26.58 रुपयांची वाढ झाली.

दिल्लीत एक लिटर पेट्रोलची किंमत आता 107.24 रुपये

सार्वजनिक क्षेत्रातील पेट्रोलियम कंपन्यांच्या किमतीच्या अधिसूचनेनुसार, दिल्लीत एक लिटर पेट्रोलची किंमत आता 107.24 रुपये प्रतिलिटर झाली. त्याचवेळी डिझेल 95.97 रुपये प्रतिलिटरवर पोहोचले. आंतरराष्ट्रीय स्तरावर कच्च्या तेलाच्या किमती वाढत आहेत, त्याचा परिणाम येथेही दिसून येत आहे. देशातील सर्व प्रमुख शहरांमध्ये पेट्रोलने शतक ओलांडले. त्याचबरोबर डझनांहून अधिक राज्यांमध्ये डिझेल 100 रुपयांपेक्षा अधिक दराने विकले जात आहे. 5 मे 2020 रोजी सरकारने उत्पादन शुल्क विक्रमी पातळीवर वाढवल्यानंतर पेट्रोल 35.98 रुपयांनी महाग झाले. त्याचबरोबर या काळात डिझेलच्या दरात प्रतिलिटर 26.58 रुपयांची वाढ झाली.

कच्चे तेल $ 20 वरून $ 85 वर

आंतरराष्ट्रीय बाजारात कच्च्या तेलाच्या किमती 19 डॉलर प्रति बॅरल या विक्रमी नीचांकी पातळीवर गेल्यानंतर सरकारने पेट्रोल आणि डिझेलवरील उत्पादन शुल्कात वाढ केली होती. तेव्हापासून आंतरराष्ट्रीय कच्च्या तेलाच्या किमती सुधारून प्रति बॅरल $ 85 झाल्यात, परंतु पेट्रोलवरील उत्पादन शुल्क 32.9 रुपये प्रतिलिटर आहे. त्याचप्रमाणे डिझेलवरील उत्पादन शुल्क 31.8 रुपये प्रतिलिटर आहे.

उत्पादन शुल्कात कपात करणे म्हणजे पायावर कुऱ्हाड मारण्यासारखे

पेट्रोलियम मंत्री हरदीपसिंग पुरी यांनी शुक्रवारी सांगितले की, वाहनांच्या इंधनावरील उत्पादन शुल्कात कपात करणे म्हणजे स्वतःच्या पायावर कुऱ्हाड मारण्यासारखे आहे. ते म्हणाले होते की, अशा शुल्कासह सरकार मोफत कोविड 19 लसीकरण, अन्नधान्य आणि स्वयंपाकाचा गॅस वितरण यांसारख्या योजना चालवत आहे, यामुळे महामारीच्या काळात लाखो लोकांना मदत झाली.

काँग्रेस सतत या मुद्द्यावर सरकारला घेरतेय

उत्पादन शुल्क कपातीबाबत ते म्हणाले, मी अर्थमंत्री नाही, त्यामुळे याचे उत्तर देणे योग्य होणार नाही. आम्ही संकलित करत असलेल्या 32 रुपये प्रतिलिटरसह कल्याणकारी योजना चालवत आहोत. यामध्ये एक अब्ज लसीकरणांचा समावेश आहे. ”विरोधी काँग्रेस सतत या मुद्यावर सरकारला घेरत आहे. सरकारने म्हटले आहे की, सरकारने वाहनांच्या इंधनावरील शुल्क कमी केले पाहिजे.

संबंधित बातम्या

ऊर्जा मंत्रालयाकडून वीज क्षेत्र वाचवण्यासाठी नवे नियम जारी; आर्थिक भार कमी होणार

टाटा पॉवर आणि आयआयटी दिल्ली करणार स्वच्छ ऊर्जेसाठी काम, दोन्ही संस्थांमध्ये मोठा करार