SBI Home Loan | एसबीआयची मोठी घोषणा; 31 ऑगस्टपर्यंत गृहकर्ज प्रक्रिया शुल्क माफ
एसबीआयच्या वेबसाइटवर उपलब्ध माहितीनुसार, प्रक्रिया शुल्क माफी 19 जुलैपासून लागू करण्यात आली आहे जी 31 ऑगस्टपर्यंत चालेल. एसबीआय सध्या देशातील सर्वात स्वस्त गृहकर्ज देत आहे. गृह कर्जाचा व्याजदर 6.70 टक्क्यांपासून सुरू होतो.
SBI Home Loan offer नवी दिल्ली : देशातील सर्वात मोठी सार्वजनिक क्षेत्रातील बँक SBI ने गृहकर्जासंदर्भात मोठी घोषणा केली आहे. एसबीआयने गृहकर्जावर मान्सून धमाका ऑफर आणली आहे. याअंतर्गत 31 ऑगस्टपर्यंत कर्ज घेताना कोणतेही प्रक्रिया शुल्क आकारले जाणार नाही. गृहकर्जाच्या सुमारे 0.40 टक्के रक्कम प्रोसेसिंग फी म्हणून जमा केली जाते. हे माफ केल्यास कर्जदारांना मोठा दिलासा मिळेल. (SBI’s big announcement; Home loan processing fee waived till 31st August)
31 ऑगस्टपर्यंत प्रक्रिया शुल्क माफ
एसबीआयच्या वेबसाइटवर उपलब्ध माहितीनुसार, प्रक्रिया शुल्क माफी 19 जुलैपासून लागू करण्यात आली आहे जी 31 ऑगस्टपर्यंत चालेल. एसबीआय सध्या देशातील सर्वात स्वस्त गृहकर्ज देत आहे. गृह कर्जाचा व्याजदर 6.70 टक्क्यांपासून सुरू होतो. बँकेचे व्यवस्थापकीय संचालक (R&DB) सीएस शेट्टी म्हणाले की, बँकेने मान्सून धमाका ऑफर सुरू केली आहे. प्रक्रिया शुल्क माफ केल्याने गृहकर्ज घेणाऱ्यांमध्ये उत्साह वाढेल.
बँकेच्या वेबसाइटवर उपलब्ध माहितीनुसार, एसबीआय होम लोनवरील व्याज दर कमी आहे, प्रोसेसिंग फी इतर बँकांच्या तुलनेत कमी आहे. प्री-पेमेंटसाठी कोणताही दंड नाही. याशिवाय, कर्जदार 30 वर्षात कर्जाची परतफेड देखील करू शकतो. यामुळे त्यांचा ईएमआय कमी होतो. व्याजावर महिलांना अतिरिक्त लाभ मिळतो.
1600 विक्री कार्यकारी
कर्जाच्या पात्रतेसाठी अर्जदाराचे किमान वय 18 वर्षे आणि कमाल वय 70 वर्षे असू शकते. कर्जदार भारतीय नागरिक असणे आवश्यक आहे. कर्जाचा कालावधी 30 वर्षांपर्यंत असू शकतो. बँकेच्या देशभरात 24 हजारांहून अधिक शाखा आहेत. या व्यतिरिक्त, 1600 पेक्षा जास्त लोकांची एक मजबूत टीम गृहकर्जासाठी सतत काम करते.
कोरोनाच्या दुसऱ्या लाटेचा रिअल इस्टेटवर परिणाम
दरम्यान एप्रिल आणि मे महिन्यात भारतामध्ये कोविड -19 च्या दुसऱ्या लाटेचा मोठा फटका बसला असून विक्रीत 58 टक्क्यांची मोठी घट झाली आहे. भारतातील प्रमुख शहरांमध्ये कडक लॉकडाऊनमुळे घरांच्या विक्रीवर परिणाम झाला. बेंगळुरू, चेन्नई, हैदराबाद, कोलकाता, मुंबई महानगर प्रदेश, दिल्ली-एनसीआर आणि पुणे येथे 2021 च्या दुसऱ्या तिमाहीत घरांच्या विक्रीत 55 टक्के, 59 टक्के, 49 टक्के, 57 टक्के, 63 टक्के वाढ झाली आहे. 2021 च्या पहिल्या तिमाहीत अनुक्रमे 43 टक्के आणि 62 टक्के घट नोंदवण्यात आली. (SBI’s big announcement; Home loan processing fee waived till 31st August)
Bigg Boss 15 | अर्जुन बिजलानी ते नेहा भसीन, ‘हे’ कलाकार दिसणार ‘बिग बॉस 15’च्या घरात, पाहा संपूर्ण यादी!https://t.co/GsICXF77Dc#BigBoss |#Upcoming |#Season |#Contestant
— TV9 Marathi (@TV9Marathi) July 31, 2021
इतर बातम्या
कोरोनाच्या दुसऱ्या लाटेचा रिअल इस्टेटवर परिणाम, जून तिमाहीत घरांच्या विक्रीत 58 टक्के घट
…वेळ आली तर सेनाभवन फोडू, प्रसाद लाड यांचं चिथावणीखोर वक्तव्य