AQI
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

PM Cares : वादाशी अजूनही नाळ, पण कंपन्या मेहरबान! पीएम केअर फंडात 2900 कोटींचे दान, ही आहे दानशूरांची यादी

PM Cares : पंतप्रधान सहायता निधी असताना स्वतंत्र पीएम केअर फंड तयार केल्याने केंद्र सरकारवर चोहो बाजूंनी हल्ला चढविण्यात आला. आता या फंडात दानशूरांनी भरभरुन दान दिले आहे.

PM Cares : वादाशी अजूनही नाळ, पण कंपन्या मेहरबान! पीएम केअर फंडात 2900 कोटींचे दान, ही आहे दानशूरांची यादी
वादाशी नाते
Follow us
| Updated on: Apr 25, 2023 | 10:11 AM

नवी दिल्ली : कोविड काळात केंद्र सरकारच्या मदत निधीवरच प्रश्नचिन्ह उभं ठाकलं होतं. देशात पतंप्रधान सहायता निधी पूर्वीपासूनच होता. पण नरेंद्र मोदी सरकारने नवीन पीएम केअर फंड (PM Care Fund) उभारला. त्यावरुन देशात काहूर माजले. पूर्वीचा सहायता निधी असताना केंद्राच्या या नवीन फंड उभारण्याच्या कृतीवर विरोधकांनीच नाही तर देशातील दिग्गजांनी तोंडसूख घेतले. त्याविरोधात सर्वोच्च न्यायालयाचा दरवाजा ही ठोठावण्यात आला. पण या फंडाच काम सुरुच होते. त्यावेळी या फंडातील जमा रक्कम आणि लेखा परिक्षणावरुन गदारोळ झाला. कोविडचे भूत मानगुटीवरुन उतरल्यानंतर आता या फंडाची पुन्हा चर्चा रंगली आहे.

2,900 कोटींचा निधी कोविडच्या काळात नागरिकांना तातडीने सर्व प्रकारच्या सोयी-सुविधा मिळाव्यात यासाठी पीएम केअर फंडाची सुरुवात झाली. मार्च 2020 मध्ये पीएम केअर फंड स्थापण्यात आला. 2019-20 ते 2021-22 या कालावधीत या फंडात सरकारी आणि खासगी कंपन्यांनी भरभरुन योगदान दिले. सरकारी कंपन्यांनीच 2,900 कोटींचे दान टाकले.

57 कंपन्यांचा हिस्सा मोठा पीएम केअर्समध्ये मोठ्या प्रमाणात दान पडले. प्राइमइन्फोबेस डॉट कॉमने याविषयीची एक सविस्तर माहिती दिली. या फंडात सरकारीच नाही तर खासगी कंपन्यांनी पण सढळ हाताने देणग्या दिल्या. यामध्ये सरकारी कंपन्यांचा मोठा वाटा आहे. 57 कंपन्यांनी या फंडात एकूण 2,913.6 कोटी रुपयांचे दान दिले. पीएम केअर्स फंडात एकूण आलेल्या देणग्यांमध्ये या कंपनीचा वाटा 59.3 टक्के आहे.

हे सुद्धा वाचा

पेट्रोल-गॅस कंपन्या मेहरबान पीएम केअर्स फंडात एकूण 247 कंपन्यांनी दान दिले. गेल्या 2 वर्षांत या फंडात 4,910.5 कोटी रुपयांचे दान पडले. ऑईल ॲंड नॅचुरल गॅस कॉर्पोरेशन (ONGC) या सरकारी कंपनीने या फंडात सर्वाधिक दान दिले. कंपनीने एकूण 370 कोटी रुपयांची देणगी दिली.

या कंपन्या पण दानशूर याशिवाय टॉप-5 कंपन्यांमध्ये 330 कोटी रुपये देणारी NPTC ही दुसऱ्या क्रमांकावर आहे. 275 कोटींसह पॉवर ग्रीड कॉर्पोरेशन तिसऱ्या क्रमांकावर इंडियन ऑईलने 265 कोटी रुपये दान केले, ही कंपनी चौथ्या क्रमांकावर आहे. तर 222.4 कोटी रुपयांसह पॉवर फायनान्स कॉर्पोरेशन कंपनी दानशूरांच्या यादीत पाचव्या स्थानी आहे.

पीएम केअर्स फंडावरुन वाद पीएम केअर्स फंडावरुन मोठा वाद झाला होता. हा फंड स्थापन्यापासूनच वादाच्या भोवऱ्यात अडकला होता. केंद्र सरकारचा एवढा मोठा निधी असताना, तो संसदेला या फंडातील उलाढाल, उपयोग, विनियोग याबद्दल विचारण्याची अद्यापही कुठलीच सोय नसल्याचा विरोधकांचा दावा आहे. दिल्ली हायकोर्टात केंद्र सरकारने जानेवारी 2023 मध्ये एका अहवाल सादर केला, त्यात या फंडाचे नियंत्रण भारत सरकारकडे नसल्याचा दावा करण्यात आला आहे.

कोट्यवधींचे दान पीएम केअर्समध्ये 2019-20 मध्ये 3,076.6 कोटी रुपये दान पडले. 2020-21 मध्ये हा आकडा 10,990.2 कोटी रुपये होता. तर 2021-22 मध्ये 9,131.9 कोटी रुपयांचे दान या फंडात जमा झाले.

बीडच्या पोलीस अधिक्षकांच्या घरीच केलं जात होतं गांजाचं सेवन
बीडच्या पोलीस अधिक्षकांच्या घरीच केलं जात होतं गांजाचं सेवन.
महाराष्ट्रात कुठे-कुठे होणार उद्या मॉकड्रिल? बघा तुमचा जिल्हा आहे का?
महाराष्ट्रात कुठे-कुठे होणार उद्या मॉकड्रिल? बघा तुमचा जिल्हा आहे का?.
भारत- पाकिस्तान दोघांनी शांतता राखावी; यूएनएससीचं आवाहन
भारत- पाकिस्तान दोघांनी शांतता राखावी; यूएनएससीचं आवाहन.
भारतात उद्या युद्धाचा सायरन वाजणार, आशियाई देशाचं मॉक ड्रिलकडे लक्ष
भारतात उद्या युद्धाचा सायरन वाजणार, आशियाई देशाचं मॉक ड्रिलकडे लक्ष.
आमच्या हाती काय बंदुका देणार? मॉक ड्रिलवरून राऊतांचा सरकारला खोचक सवाल
आमच्या हाती काय बंदुका देणार? मॉक ड्रिलवरून राऊतांचा सरकारला खोचक सवाल.
देशव्यापी मॉक ड्रिल, आपत्कालीन परिस्थितीत कराल? तज्ज्ञांनी सांगितलं...
देशव्यापी मॉक ड्रिल, आपत्कालीन परिस्थितीत कराल? तज्ज्ञांनी सांगितलं....
भारतासोबत युद्ध झालं तर अवघ्या 100 तासांत पाकिस्तानचे 5 तुकडे, कारण...
भारतासोबत युद्ध झालं तर अवघ्या 100 तासांत पाकिस्तानचे 5 तुकडे, कारण....
चोरीला गेलेलं बाळ सुखरूप आईच्या कुशीत, पोलिसांकडून 48 तासात शोध अन्...
चोरीला गेलेलं बाळ सुखरूप आईच्या कुशीत, पोलिसांकडून 48 तासात शोध अन्....
युद्धाची पूर्व तयारी, गृहमंत्रालयाचे सर्व राज्यांना आदेश; 7 मे रोजी...
युद्धाची पूर्व तयारी, गृहमंत्रालयाचे सर्व राज्यांना आदेश; 7 मे रोजी....
पाक पंतप्रधान गायब, पत्रकाराचा सवाल अन् उपपंतप्रधानांचं उत्तर बघा काय
पाक पंतप्रधान गायब, पत्रकाराचा सवाल अन् उपपंतप्रधानांचं उत्तर बघा काय.