Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Kuwait : कुवेतमध्ये नोकरीसाठी का जातात अनेक भारतीय लोकं, या नोकरीसाठी मिळतो बक्कळ पैसा

कुवेतमध्ये नुकतीच एका इमारतीत आग लागल्याने काही भारतीय नागरिकांचा मृत्यू झाला होता. कुवेतमध्ये अनेक भारतीय लोकं नोकरीसाठी गेले आहेत. येथे नोकरीच्या कोणकोणत्या संधी उपलब्ध आहे आणि त्यासाठी किती पगार मिळतो जाणून घ्या.

Kuwait : कुवेतमध्ये नोकरीसाठी का जातात अनेक भारतीय लोकं, या नोकरीसाठी मिळतो बक्कळ पैसा
Follow us
| Updated on: Jun 13, 2024 | 5:32 PM

jobs in Kuwait : आखाती देश कुवेतमध्ये झालेल्या अपघातात सुमारे 50 जणांचा मृत्यू झाला असून त्यात बहुतांश भारतीय नागरिक असल्याचं समोर आले आहे. या देशात अनेक भारतीय लोकं नोकरीसाठी येत असतात. या घटनेनंतर अनेकांना असा प्रश्न पडलाय की,  भारतातून इतके लोक कुवेत आणि सौदी अरेबियासारख्या देशांमध्ये नोकरीसाठी का जातात? कुवेतमध्ये कोणत्या नोकऱ्यांना सर्वाधिक मागणी आहे आणि त्यासाठी किती पगार दिला जातो. लिंक्डइननुसार कुवेतमध्ये अशा 8 नोकऱ्या आहेत. ज्याबाबत माहिती देण्यात आली आहे.

लिंक्डइनच्या मते, कुवेतमध्ये सर्वाधिक मागणी बिजनेस एडमिनिस्‍ट्रेटरटची आहे. येथे व्यवसाय झपाट्याने वाढत असल्याने अनेक परदेशी कंपन्याही येथे गुंतवणूक करण्यास सुरुवात केली आहे. त्यामुळे येथे चांगले कौशल्य असलेल्या लोकांना दर महिन्याला सरासरी ४०० कुवेती दिनार पगार म्हणून दिला जातो. भारतीय चलनात ही रक्कम 1,09,055 रुपये इतकी आहे.

कुवेतमधील दुसरी सर्वात मागणी असलेली नोकरी म्हणजे मॉल व्यवस्थापकाची. कुवेत आणि सौदी अरेबियात आता मॉल संस्कृती झपाट्याने वाढत आहे. त्यामुळे येथे जगातील सर्वोत्तम शॉपिंग सेंटर्सही बांधली जात आहेत. त्यामुळेच येथे मॉल मॅनेजरची मागणी देखील वाढत आहे. मॉल मॅनेजरचं काम शॉपिंग सेंटर चालवणे आहे. या कामासाठी दर महिन्याला त्यांना 500 कुवैती दिनार मिळतात. ज्याची भारतीय रुपयांमध्ये किंमत 1,36,319 रुपये इतकी आहे.

कुवेतमध्ये अरबी भाषा बोलली जाते. त्यामुळे येथे इंग्रजी शिकवणाऱ्या शिक्षकांची मागणी देखील वाढली आहे. जागतिक बाजारपेठेत इंग्रजी भाषेला अधिक महत्त्व आहे. त्यामुळे येथे इंग्रजी शिकवणाऱ्या शिक्षकांची आवश्यकता आहे. एका इंग्रजी शिक्षकाला येथे दरमहा सरासरी ३०० ते 350 कुवेती दिनार (सुमारे 95,423 रुपये) मिळतात.

कुवेतमध्ये सर्वात जास्त पगार इंजिनिअर लोकांना मिळतो. आखाती देशात पायाभूत सुविधा आता वाढत आहेत. त्यामुळे येथे यावर बरेच काम सुरु आहे. त्यामुळे सिव्हिल आणि इलेक्ट्रिकल इंजिनीअर्सची मागणी येथे खूप वाढलीये. या कामासाठी प्रत्येक महिन्याला सरासरी येथे ६०० ते ७५० कुवेती दिनार (1.63 लाख ते 2.4 लाख रुपये) मिळतात.

कुवेतमध्ये ग्राफिक डिझायनर्सची देखील मोठी मागणी आहे. डिजिटल प्लॅटफॉर्मवर जाहिरातींचे प्रोफाइल, वेबसाइट डिझाईनिंग आणि ग्राफिक्स डिझाईनिंगसाठी येथे या लोकांची मागणी आहे दिलेले आहेत. यासाठी दर महिन्याला 250 ते 350 कुवेती दिनार मिळतात, जे भारतीय रूपयांच्या 95,423 इतके आहे.

कुवेत आणि इतर आखाती देशांमध्ये परदेशी कंपन्यांचा मोठ्या प्रमाणात गुंतवणूक करत आहेत. त्यामुळे या कंपन्यांना कामगारांची आवश्यकता आहे. पण त्यासाठी एचआर विभागासाठी देखील मागणी आहे. येथे एचआरला दरमहा सुमारे 250 ते 400 कुवैती दिनार मिळतात, जे भारतीय चलनात 1,09,055 रुपयांपर्यंत असू शकतात.

कुवेतमध्ये तेलाचे अनेक कारखाने आहेत. इतर उत्पादन आणि औद्योगिक कामांसाठी सुपरवायजरच्या अनेक नोकऱ्या येथे उपलब्ध आहेत. या क्षेत्रात काम करणाऱ्या व्यक्तीला दर महिन्याला सरासरी 600 कुवैती दिनार (सुमारे 1,63,582 रुपये) मिळतात.

कुवेतमधील कंपन्या आणि शॉपिंग मॉल्सची वाढती संख्या पाहता, येथे सेल्सच्या कामासाठी देखील लोकं हवी आहेत. या कामासाठी दर महिन्याला सरासरी 200 ते 400 कुवेती दिनार (सुमारे 1.09 लाख रुपये) मिळतात.

जयंत पाटील मुरलेले नेते आहेत, त्यांचा अंदाज लावणं कठीण - एकनाथ शिंदे
जयंत पाटील मुरलेले नेते आहेत, त्यांचा अंदाज लावणं कठीण - एकनाथ शिंदे.
'राज ठाकरे भांग पिऊन बोलतात', माजी मंत्र्यांची टीका, मनसेकडूनही पलटवार
'राज ठाकरे भांग पिऊन बोलतात', माजी मंत्र्यांची टीका, मनसेकडूनही पलटवार.
संतोष देशमुखांसाठी गाव एकवटलं, मस्साजोगच्या ग्रामस्थांचा मोठा निर्णय
संतोष देशमुखांसाठी गाव एकवटलं, मस्साजोगच्या ग्रामस्थांचा मोठा निर्णय.
जजसोबत सक्तीच्या रजेवरच्या पोलिसांची होळी? दमानियांकडून थेट फोटो ट्विट
जजसोबत सक्तीच्या रजेवरच्या पोलिसांची होळी? दमानियांकडून थेट फोटो ट्विट.
नैसर्गिक रंगात न्हाऊन निघत धसांनी लुटला धुळवडीचा आनंद
नैसर्गिक रंगात न्हाऊन निघत धसांनी लुटला धुळवडीचा आनंद.
बापाच्या आठवणीने व्याकूळ, भास होताच वैभवीनं रेखाटलं देशमुखांचं चित्र
बापाच्या आठवणीने व्याकूळ, भास होताच वैभवीनं रेखाटलं देशमुखांचं चित्र.
वाल्मिक कराडच्या आडून पोलिसांवर निशाणा, तृप्ती देसाई गोत्यात येणार?
वाल्मिक कराडच्या आडून पोलिसांवर निशाणा, तृप्ती देसाई गोत्यात येणार?.
पक्ष डुबला तरी चालेल, आपण हलता कामा नये; शिरसाटांची राऊतांवर खोचक टीका
पक्ष डुबला तरी चालेल, आपण हलता कामा नये; शिरसाटांची राऊतांवर खोचक टीका.
'शिवतीर्थ'वर ठाकरे रंगले; कुटुंब, कार्यकर्त्यांसोबत धूळवड साजरी
'शिवतीर्थ'वर ठाकरे रंगले; कुटुंब, कार्यकर्त्यांसोबत धूळवड साजरी.
जयंत पाटलांच्या मनात नेमकं काय? आधी सूचक वक्तव्य अन् आता म्हणताय...
जयंत पाटलांच्या मनात नेमकं काय? आधी सूचक वक्तव्य अन् आता म्हणताय....