Kalyan Case : कल्याण हादरलं, अल्पवयीन मुलीची लैंगिक अत्याचारानंतर हत्या, पोलिसांचा मोठा फौजफाटा तैनात
Kalyan Case : परवा संध्याकाळी कल्याण कोळसाडी परिसरातून एक अल्पवयीन मुलगी बेपत्ता झाली होती. तिचा मृतदेह काल दुपारी कल्याण भिवंडी मार्गावरील बापगाव परिसरात एका कब्रस्तानमध्ये सापडला. आज पहाटेपासूनच कल्याण कोळसवाडी परिसरात मोठा फौजफाटा तैनात आहे.
कल्याण कोळसेवाडी परिसरात मोठा तणाव आहे. कल्याणमध्ये एका अल्पवयीन मुलीच अपहरण करुन तिची निर्घृण हत्या करण्यात आली. भिवंडी बापगाव हद्दीत कब्रस्तान परिसरात मुलीचा मृतदेह सापडला. हत्या करण्यापूर्वी मुलीवर लैंगिक अत्याचार करण्यात आले. याप्रकरणी कल्याण कोळसेवाडी पोलिसांनी एकाला अटक केली आहे, तर मुख्य आरोपी अजूनही फारार आहे. मुलीला घेऊन जाणाऱ्या रिक्षा चालकाला पोलिसांनी अटक केली आहे. विशाल गवळी असं मुख्य आरोपीच नाव आहे. हा अत्यंत खतरनाक गुंड आहे. त्याच्यावर कल्याण पूर्वेत विनयभंगाचे पाच गुन्हे दाखल आहेत. त्याशिवाय बलात्कार, पॉक्सो सारख्या गुन्हयांमधील हा आरोपी तडीपार होता.
कल्याण कोळशेवाडी पोलिसांच्या सहा पथकांकडून या विशाल गवळीचा शोध सुरु आहे. कल्याण कोळशेवाडी परिसरात अल्पवयीन मुलीच्या हत्येनंतर तणावाचं वातावरण आहे. राजकीय पक्ष आणि स्थानिक नागरिकानी आंदोलन करण्याचा इशारा दिला आहे. बदलापूर घटनेच्या पार्शवभूमीवर मोठा पोलीस बंदोबस्त परिसरात आहे. नागरिकांच्या आंदोलनानंतर पोलीस सतर्क झाले आहेत. कल्याण कोळशेवाडी परिसरात मोठ्या प्रमाणात पोलिसांचा फौजफाटा तैनात आहे.
चौकाचौकात मोठा बंदोबस्त
कोणताही अनुचित प्रकार घडू नये यासाठी शहरभरात पोलिसांचा मोठा बंदोबस्त आहे. परवा संध्याकाळी कल्याण कोळसाडी परिसरातून एक अल्पवयीन मुलगी बेपत्ता झाली होती. तिचा मृतदेह काल दुपारी कल्याण भिवंडी मार्गावरील बापगाव परिसरात एका कब्रस्तानमध्ये सापडला. त्यानंतर परिसरात तणावाचं वातावरण निर्माण झालं आहे. भाजपच्या आमदार सुलभा गायकवाडसह महेश गायकवाड आणि इतर राजकीय पक्षांनी आणि स्थानिक नागरिकांनी मुख्य आरोपीला अटक करावी अशी मागणी करत आंदोलनाचा इशारा दिला आहे. राजकीय पक्ष व स्थानिक नागरिकांच्या इशाऱ्यानंतर कोणताही अनुचित प्रकार घडू नये यासाठी पोलिसांनी आज पहाटेपासूनच कल्याण कोळसवाडी परिसरात मोठा फौजफाटा तैनात करत चौकाचौकात मोठा बंदोबस्त लावला आहे
