चिमुरडीला घरी घेऊन जाताना त्यांच्या मनात नको ते आलं, पण आईने तात्काळ धाव घेतली म्हणून…

सुनील जाधव, TV9 मराठी, डोंबिवली : कल्याण डोंबिवली शहरात बलात्कारांच्या घटना वाढत असताना आता अल्पवयीन मुलींची छेड काढण्याचे प्रमाणही वाढले आहे. डोंबिवलीमध्ये असाच एक धक्कादायक प्रकार घडला आहे. एका अल्पवयीन मुलीचा शेजाऱ्यानेच विनयभंग केल्याचा प्रकार उघडकीस आला आहे. याप्रकरणी रामनगर पोलीस ठाण्यात तक्रार दाखल केली. घटनेचे गांभीर्य ओळखून पोलिसांनी पोक्सो अंतर्गत गुन्हा दाखल करत आरोपीला बेड्या ठोकल्या आहेत. या घटनेमुळे परिसरात एकच खळबळ उडाली आहे. नागरिकांमध्ये संताप व्यक्त होत आहे.

काय आहे प्रकरण?

शुक्रवारी सायंकाळी पिडीत मुलीची आई ही शेजाऱ्यांकडे गेली होती. यावेळी आईने मुलाला आणि मुलीला तुम्ही मागून या, असे सांगितले. मग भाऊ आपल्या बहिणीला घेऊन जात असतानाच आरोपीने त्या अल्पवयीन मुलीला हात पकडून घरी आणले. ही बाब लगेच मुलाने आईला सांगितली. पिडीत मुलीच्या आईने त्वरीत घराकडे धाव घेतली. त्यांच्या घराचा दरवाजा हा उघडा होता तर आरोपीच्या घराचा दरवाजा बंद असल्याने तिने ठोठावला. त्यानंतर त्यांच्या मुलीने रडत रडत घराचा दरवाजा उघडला.

आरोपीविरोधात पोक्सो अंतर्गत गुन्हा दाखल

आईने मुलीला घरात नेऊन तिला विश्वासात घेऊन तिच्यासोबत काही झाले का? याची विचारणा केली. पिडीत मुलीने आरोपीने केलेल्या विनयभंगाबाबत आईला सविस्तर सांगितले. यानंतर आईने रामनगर पोलीस ठाणे गाठत आरोपीविरोधात तक्रार दाखल केली. पोलिसांनी भा.द.वि कलम 354 बालकांचे लैंगिक अपराधांपासून संरक्षण अधिनियम 2012 चे कलम 8, 12 प्रमाणे गुन्हा केला. वरिष्ठ पोलीस निरीक्षक सचिन सांडभोर यांच्या मार्गदर्शनाखाली पोलीस उपनिरिक्षक आशा निकम आणि त्यांचे पथक या प्रकरणाचा तपास करत आहेत.

हे सुद्धा वाचा

अनैतिक संबंधात पोटचं लेकरूच ठरत होता अडथळा, आईसह प्रियकरांनं जे केलं त्याची तुम्ही कल्पनाच करू शकत नाही, काय घडलं?

मूल नाही म्हणून मुलगी दत्तक घेतली, मग चिमुकलीसोबत जे केले त्याची कुणी कल्पनाही करु शकत नाही !

कुटुंबीय नातेवाईकाच्या लग्नाला गेले होते, तरुण घरी एकटाच होता, दुसऱ्या दिवशी मामा घरी आला तर…