Cat Beaten up | मांजरीला मारहाण करुन पांढऱ्या गोणीत भरलं, मुंबईत तिघा तरुणांविरोधात गुन्हा
मांजरीला मारहाण केल्याप्रकरणी मुंबई तिघा जणांच्या विरोधात गुन्हा दाखल करण्यात आला आहे. विक्रोळी पोलीस स्टेशनमध्ये तक्रार दाखल करण्यात आला होती.
मुंबई : मांजरीला मारहाण केल्या प्रकरणी (Cat Beaten up) तिघा जणांवर गुन्हा दाखल करण्यात आला आहे. मुंबईत हा धक्कादायक प्रकार घडल्याचं उघडकीस आलं आहे. या प्रकरणी विक्रोळी पोलीस ठाण्यात गुन्हा दाखल (Mumbai Crime News) करण्यात आला आहे. मांजरीला मारहाण करतानाची घटना परिसरातील सीसीटीव्ही कॅमेरात कैद (CCTV Camera) झाली होती. सीसीटीव्हीतून दिसलेल्या छायाचित्रांच्या आधारे प्राणीमित्र संघटनेने तक्रार दिली होती. त्यानुसार गुन्हा दाखल करण्यात आला आहे.कलम 429 तसेच प्राणी क्रूरता अधिनियम अंतर्गत गुन्हा नोंदवण्यात आला आहे.
काय आहे प्रकरण?
मांजरीला मारहाण केल्याप्रकरणी मुंबई तिघा जणांच्या विरोधात गुन्हा दाखल करण्यात आला आहे. विक्रोळी पोलीस स्टेशनमध्ये तक्रार दाखल करण्यात आला होती.
मारहाणीची घटना सीसीटीव्ही कॅमेरात कैद
सीसीटीव्हीत तीन तरुण मांजरीला मारहाण करुन पांढऱ्या गोणीत भरून गाडीतून नेताना दिसत आहेत. ही घटना सोसायटीतील सीसीटीव्ही कॅमेरात कैद झाली होती. सीसीटीव्हीतून दिसलेल्या छायाचित्रांच्या आधारे प्राणीमित्र संघटनेने तक्रार दिली होती.
मारहाण करताना तिघे दारुच्या नशेत
प्राणीमित्र संघटनेने दिलेल्या तक्रारीनुसार हे तीन तरुण दारूच्या नशेत होते आणि त्यांनी मांजरीला मारलं अशी तक्रार दिली होती. या प्रकरणी पोलिसांनी हेमंत शहा, जय लबडे, सुशांत सावंत यांच्याविरोधात गुन्हा नोंदवला आहे. कलम 429 तसेच प्राणी क्रूरता अधिनियम अंतर्गत गुन्हा दाखल करण्यात आला आहे.
