Sign In

By signing in or creating an account, you agree with Associated Broadcasting Company's Terms & Conditions and Privacy Policy.

दहा रुपयांच्या सिगारेटवरुन वाद, टोळक्याचा दुकानावर हल्ला, दुकानदाराच्या वडिलांची हत्या

सिगरेट न दिल्यामुळे चिडलेल्या तरुणांनी सतेंद्रसोबत बाचाबाची केली. मात्र वादानंतर ते निघून गेले. मात्र काही वेळाने या चौघा जणांसोबत जवळपास 15 ते 20 जणांचं टोळकं दुकानाजवळ आलं

दहा रुपयांच्या सिगारेटवरुन वाद, टोळक्याचा दुकानावर हल्ला, दुकानदाराच्या वडिलांची हत्या
सिगारेटवरुन वादातून तरुणाची हत्या
Follow us
| Updated on: Feb 08, 2022 | 8:59 AM

पालघर : सिगरेट न दिल्याच्या कारणावरुन (Cigarette) दुकानदाराची हत्या झाल्याची धक्कादायक घटना उघडकीस आली आहे. दुकान बंद झाल्यानंतर सिगरेट न दिल्यावरुन दुकानदाराचा आरोपीशी (Shopkeeper Murder) वाद झाला होता. यावेळी दुकानदाराचा गळा चिरुन जीव घेण्यात आला. पालघर जिल्ह्यातील बोईसर (Boisar Palghar) वारंगडे गावात हा प्रकार घडला. अवघ्या दहा रुपयांच्या सिगरेटवरुन झालेल्या वादावादीतून दुकानदाराला प्राण गमवावे लागले. तर दुकानदाराच्या बचावासाठी मध्ये पडलेले तिघे जण गंभीर जखमी झाल्याची माहिती आहे. विनोद सिंग असे हत्या झालेल्या दुकानदाराचे नाव आहे. बोईसर पोलीस ठाण्यात या प्रकरणी हत्येचा गुन्हा दाखल करण्यात आला आहे. तर 7 आरोपींना पोलिसांनी ताब्यात घेतले आहे. तीन जखमी व्यक्तींवर खाजगी रुग्णालयात उपचार सुरु आहेत.

काय आहे प्रकरण?

बोईसर पूर्व भागात वारांगडे गावात सतेंद्रकुमार याचे किराणामालाचे दुकान आहे. त्याच्यासोबत त्याचे रिक्षाचालक वडील विनोद सिंग हे काही महिन्यांपूर्वी राहायला आले होते. रात्री गावातील तीन ते चार तरुण किराणा मालाच्या दुकानाजवळ आले. त्यांनी सतेंद्रकुमार याच्याकडे सिगारेटची मागणी केली. मात्र दुकान बंद झाल्याचं सांगत त्याने सिगरेट देण्यास नकार दिला.

टोळक्याचा दुकानावर हल्ला

सिगरेट न दिल्यामुळे चिडलेल्या तरुणांनी सतेंद्रसोबत बाचाबाची केली. मात्र वादानंतर ते निघून गेले. मात्र काही वेळाने या चौघा जणांसोबत जवळपास 15 ते 20 जणांचं टोळकं दुकानाजवळ आलं. सिगरेट न दिल्याच्या आणि वाद घातल्याचा राग मनात ठेवून त्यांनी सतेंद्र कुमारच्या किराणा दुकानावर हल्ला चढवला.

मारहाणीत वडिलांचा मृत्यू

काही हल्लेखोर दुकानाचे शटर आणि खिडकी तोडून घरात घुसले. सतेंद्रच्या बचावासाठी आलेल्या तिघा जणांना त्यांनी बेदम मारहाण केली. या मारहाणीत वडील विनोद सिंग यांचा जागीच मृत्यू झाला, तर तिघे जण गंभीर जखमी झाले आहेत.

बोईसर पोलीस ठाण्यात या प्रकरणी हत्येचा गुन्हा दाखल करण्यात आला आहे. तर 7 आरोपींना पोलिसांनी ताब्यात घेतले आहे. तीन जखमी व्यक्तींवर खाजगी रुग्णालयात उपचार सुरु आहेत.

संबंधित बातम्या :

पतीच्या मित्रासोबत विवाहबाह्य संबंध, बोभाटा होताच नवऱ्याची हत्या, वर्ध्यात विवाहिता-प्रियकर आणि भाचा अटकेत

बाबा, तुम्ही आई आणि धाकट्या बहिणीला का मारलंत? 89 वर्षीय निवृत्त लष्करी जवानाने घडाघडा कारणं सांगितली

ब्रेकअपनंतरही तिला लग्न करायचं होतं, पण त्याच्या मनात…. मुंबईतील 28 वर्षीय तरुणीच्या हत्येचं गूढ उकललं

बोलायला फोन, स्वतंत्र जेवण अन्..., देशमुखांच्या आरोपींचा राजेशाही थाट
बोलायला फोन, स्वतंत्र जेवण अन्..., देशमुखांच्या आरोपींचा राजेशाही थाट.
वक्फ बिलाबद्दल ठाकरेंच्या शिवसेनेची भूमिका अस्पष्टच
वक्फ बिलाबद्दल ठाकरेंच्या शिवसेनेची भूमिका अस्पष्टच.
जर बाळासाहेब असते तर तुम्ही..., श्रीकांत शिंदे संतापले
जर बाळासाहेब असते तर तुम्ही..., श्रीकांत शिंदे संतापले.
धसांच्या आरोपांवर किरण जाधवांनी बोलणं टाळलं, कॅमेरा बघताच ठोकली धूम
धसांच्या आरोपांवर किरण जाधवांनी बोलणं टाळलं, कॅमेरा बघताच ठोकली धूम.
दाऊदचा उजवा हात म्हणून ओळख; टायगर मेमन पुन्हा का आला चर्चेत
दाऊदचा उजवा हात म्हणून ओळख; टायगर मेमन पुन्हा का आला चर्चेत.
अंबरनाथच्या बँकेत मनसेचा राडा; अमराठी बँक मॅनेजरला धरलं धारेवर
अंबरनाथच्या बँकेत मनसेचा राडा; अमराठी बँक मॅनेजरला धरलं धारेवर.
'नाहीतर आमची आवस्था...', सदाभाऊ काय म्हणाले की सगळेच पोट धरून हसले
'नाहीतर आमची आवस्था...', सदाभाऊ काय म्हणाले की सगळेच पोट धरून हसले.
अबीर गुलालच्या प्रदर्शनाचा मुद्दा पेटला; मनसे आक्रमक
अबीर गुलालच्या प्रदर्शनाचा मुद्दा पेटला; मनसे आक्रमक.
कुणी पैसे काढून घेत असेल तर...लाडक्या बहिणींना पंकजाताई काय म्हणाल्या?
कुणी पैसे काढून घेत असेल तर...लाडक्या बहिणींना पंकजाताई काय म्हणाल्या?.
धनंजय देशमुख अजित पवारांच्या भेटीसाठी दाखल
धनंजय देशमुख अजित पवारांच्या भेटीसाठी दाखल.