मास्क न लावण्यावरुन वाद विकोपाला, अंधेरीत महिलेनं दोन क्लीन-अप मार्शलला धुतलं

मुंबई : मुंबईच्या (Mumbai) अंधेरी पश्चिमेत (Andheri West) क्लीन अप मार्शला (Clean Up Marshal) मारहाण करण्यात आली आहे. गुरुवारी संध्याकाळी ही घटना घडली. क्लीन-अप मार्शलच्या दादागिरीमुळे एका महिलेकडून दोन क्लीन-अप मार्शलला मारहाण करण्यात आली आहे.

नेमकं काय घडलं?

अंधेरी पश्चिम येथील एस.वी रोडवर गुरुवारी (18 नोव्हेंबर) संध्याकाळी एक महिला रिक्षामध्ये मास्क तोंडाच्या थोडं खाली घालून जात होती. अशातच बीएमसीच्या दोन क्लीन-अप मार्शल्सनी त्या महिलेचे फोटो काढून 200 रुपयाच्या दंडाची पावती फाडली.

मात्र, यावरुन महिला आणि क्लीन-अप मार्शलमध्ये बाचाबाची सुरु झाली आणि याचे रुपांतर हाणामारीत झाले. यावेळी बघ्यांची मोठी गर्दी जमली होती. यात क्लीनअप मार्शल गंभीररित्या जखमी झाले असून त्यांच्यावर रुपक रुग्णालयात उपचार सुरु आहेत. याप्रकरणी मुंबई पोलीस ठाण्यात गुन्हा दाखल केला असून मारेकऱ्यांचा शोध सुरु आहे.

जुहूमध्येही क्लीनअप मार्शल-नागरिकांमध्ये जोरदार हाणामारी

गेल्या काही दिवसांपूर्वी जुहू परिसरात क्लीन अप मार्शल आणि नागरिकांमध्ये जोरदार हाणामारी झाली होती. मास्क न लावता फिरणाऱ्या लोकांकडून दंड वसूल करताना ही मारामारी झाली होती. या संपूर्ण घटनेचा व्हिडीओ सोशल मीडियावर व्हायरल झाला होता.

मिळालेल्या माहितीनुसार जुहू परिसरात काही नागरिक तोंडाला मास्क न लावता फिरत होते. यावेळी मास्क न लावता नागरिक फिरत असल्यामुळे क्लीन अप मार्शलने त्यांना अवडले. तसेच, कारवाई म्हणून त्यांना दंड देण्यास सांगितले. यावेळी नागरिक तसेच मार्शल यांच्यात वाद झाला. या वादाचे रुपांतर नंतर हाणामारीत झाले. नागरिक आणि मार्शल यांच्यात जोरदार हाणामारी झाली.

Video | दंड भरण्यावरून वाद, जुहूमध्ये क्लीनअप मार्शल-नागरिकांमध्ये जोरदार हाणामारीhttps://t.co/4QC7vBJzcy#mumbai |#corona | #CoronavirusUpdates

— TV9 Marathi (@TV9Marathi) September 13, 2021

संबंधित बातम्या :

मुंबईतील क्लीन अप मार्शलच्या कोटवर त्याची ओळख असणार; गैरवर्तणुकीची महापौरांकडून गंभीर दखल

कोरोना नियम मोडल्याने दीड लाखांच्या खंडणीची मागणी, BMC च्या चौघा क्लीन-अप मार्शलना अटक