हॉटेलच्या आडोश्याला मित्रासोबत पार्टी करत होते, अचानक तिघा चोरट्यांनी बंदुक रोखली मग…

अहमदनगर / कुणाल जयकर : मित्रासोबत दारु पित उभ्या असलेल्या इसमाचा अज्ञात चोरट्यांनी केलेल्या गोळीबारात मृत्यू झाल्याची घटना अहमदनगर शहरातील केडगाव बायपास रोडवर घडली. गुरुवारी मध्यरात्री ही घटना घडली. चोरीच्या उद्देशाने गोळीबार करत तीन हजार रुपयांसह मोबाईल चोरी केला. शिवाजी होले असे गोळीबारात मृत्यू झालेल्या इसमाचे नाव आहे. रात्री उशिरा कोतवाली पोलीस ठाण्यात तीन अज्ञात चोरट्यांविरुद्ध गुन्हा दाखल करण्यात आला आहे. या घटनेमुळे परिसरात एकच खळबळ उडाली आहे.

मित्रासोबत दारु पित उभे होते

शिवाजी होले हे आपला मित्र अरुण शिंदे याच्यासोबत नगर पुणे रोडवरील केडगाव बायपास रोडवर हॉटेल के नाईन जवळ रात्री उशिरा आडोश्याला दारू पित होते. यावेळी अचानक तोंडाला रुमाल बांधलेले तीन अज्ञात लोक आले. तिघे जण चाकू आणि बंदुकीचा धाक दाखवून पैशांची मागणी करू लागले. मात्र शिवाजी होले यांनी या तिघांना प्रतिकार करण्याचा प्रयत्न केला.

झटापटीत चोरट्यांनी गोळी झाडली

या झटपटीत शिवाजी होले यांच्यावर तिघांपैकी एकाने बंदुकीतून गोळीबार केल्याने शिवाजी होले जागेवरच गतप्राण झाले. यावेळी अरुण शिंदे यांनी तिथून पळ काढून पोलिसांची संपर्क केला. घटनेची माहिती मिळताच कोतवाली पोलीस स्टेशनचे सर्व पोलीस अधिकारी आणि कर्मचाऱ्यांनी घटनास्थळी धाव घेतली. मात्र तोपर्यंत चोरटे फरार झाले होते.

हे सुद्धा वाचा

तीन मुलांच्या आईचा दोघांवर जीव जडला, मग लव ट्रँगलमधून जे घडले ते भयंकर

रिसेप्शनसाठी रुममध्ये तयार होत होते नवरा-नवरी, रुमचा दरवाजा खोलताच जे दिसले त्याने घरच्यांना धक्काच बसला !

शेतमाल घेऊन जाणारा ट्रॅक्टर नदीत कोसळला; एकाचा मृत्यू, दोन गंभीर जखमी

या प्रकरणी कोतवाली पोलीस स्टेशनमध्ये अज्ञात चोरट्यांविरोधात गुन्हा दाखल केला आहे. पोलिसांनी या चोरट्यांना पकडण्यासाठी विविध पथके तयार करून तपास सुरू केला आहे.