Indore Death : डिजेच्या तालावर सुरु होती कावड यात्रा, विजेच्या तारेला स्पर्श झाला; शॉक लागून एक ठार तर तीन जखमी

इंदूर : कावड यात्रेदरम्यान डिजेच्या तालावर नाचताना वीजेचा शॉक (Electric Shock) लागून एका यात्रेकरुचा मृत्यू (Death) तर तीन जण जखमी (Injured) झाल्याची खळबळजनक घटना सोमवारी दुपारी इंदूर जिल्ह्यातील महू येथे घडली. डीजे लावलेल्या वाहनावर चढून तालावर नाचणार्‍या यात्रेकरुंच्या हाताला 11 हजार किलोवॅटच्या विजेच्या तारेने स्पर्श केल्याने वाहनात करंट पसरला. वीजेचा झटका लागल्याने काही तरुण वाहनाच्या छतावर पडले. सिमरोल पोलीस ठाण्याच्या हद्दीत ही घटना घडली आहे. रौनक असे मयत तरुणाचे नाव आहे. तर शिव, लोकेश आणि अतुल अशी जखमी तरुणांची नावे आहेत. शिवला उपचारासाठी एमवाय रुग्णालयात तर लोकेश आणि अतुलला महू येथील रुग्णालयात दाखल करण्यात आले आहे. याप्रकरणी डीजे चालकावर गुन्हा दाखल करण्यात येणार असल्याचे इंदूर ग्रामीणचे एसपी भगवत सिंह विर्दे यांनी सांगितले.

इंदौर में कांवड़ यात्रा में डीजे की धुन पर डांस करने के दौरान कुछ कांवड़िये बिजली की तार के चपेट में आ गये, 1 की मौत हो गई तीन इस दुखद हादसे में बुरी तरह घायल हो गये. pic.twitter.com/zcMopOslRn

हे सुद्धा वाचा

Gondia Illegal Abortion : गोंदियात अल्पवयीन मुलीवर अत्याचार, मग बेकायदेशीर गर्भपात; मुलीची प्रकृती गंभीर

Love Crime: ज्याच्यासाठी नवऱ्याला सोडलं त्यानेच धोका दिला; बाईने असं काही केले की तिच्या जवळची सुटकेस उघडताच पोलिसही शॉक झाले

मुंबई NCB ची मोठी कारवाई; सहा दिवसांत पाच कोटींचे ड्रग्ज हस्तगत

— Anurag Dwary (@Anurag_Dwary) August 8, 2022

ओंकारेश्वरहून पाणी घेऊन परत येत होते

सिमरोलच्या मेमडी गावात अपघात होण्यापूर्वी रविवारी रात्री सर्व कावड यात्री एक दिवस आधी तलावाजवळ विश्रांतीसाठी थांबले होते. ही कावड यात्रा ओंकारेश्वर ते सिमरोल परिसरातील बगोडा या गावाकडे जल घेऊन निघाली होती. कावड यात्रेचे हे चौथे वर्ष होते. कावड यात्रेकरुंकडून शुल्क आकारले जाते.

पश्चिम बंगालमध्येही अशीच एक घटना घडली

पश्चिम बंगालच्या कूचबिहारमध्ये सोमवारी पिकअपला विजेचा धक्का लागून 10 कावड यात्रेकरुंचा मृत्यू झाला, तर 16 जण गंभीररीत्या भाजले. मेखलीगंज पोलीस स्टेशन हद्दीतील धरला पुलावर हा अपघात झाला. पिकअपवर बसलेल्या जलपेशच्या शिवमंदिरात 27 यात्रेकरु जल अर्पण करण्यासाठी जात होते. पिकअपच्या मागे डीजे वाजत होता. जनरेटरच्या वायरमध्ये शॉर्ट सर्किट झाल्याने करंट पिकअपपर्यंत पोहोचला आणि यात्रेकरुन याच्या कचाट्यात आले. (One pilgrim dies, three injured after being electrocuted while dancing to DJ tunes in Indore)