किरकोळ कारणातून भांडण, दहशत माजवण्याचा प्रयत्न; पाच आरोपींच्या मुसक्या आवळल्या

पुणे : नववर्षाच्या पहिल्याच दिवशी रविवारी कोयता घेऊन दहशत माजवणाऱ्या पाच जणांच्या पोलिसांनी मुसक्या आवळल्या आहेत. अटक करण्यात आलेले काही आरोपी रेकॉर्डवरील गुन्हेगार आहेत. गगन मिशन (19), अमन खान (22), अर्सालान तांबोळी (27), मंगेश चव्हाण (24), गणेश पवार (24) अशी अटक केलेल्या आरोपींची नावे आहेत. पुण्यात अशा घटना वारंवार घडत असल्याने कायदा आणि सुव्यवस्थेचा मोठा प्रश्न निर्माण झाला आहे. गुन्हेगारीला आळा घालण्याचे मोठे आव्हान पोलिसांसमोर उभे आहे.

किरकोळ कारणातून तरुणांमध्ये भांडण

पोलिसांनी दिलेल्या माहितीनुसार, 1 जानेवारी रोजी काही तरुणांमध्ये आपापसात किरकोळ कारणावरून भांडण झाले. या भांडणाचा मनात राग ठेऊन या आरोपींनी नवा वाडा येथे जाऊन हातात कोयते घेऊन दहशत माजवण्याचा प्रयत्न केला.

घटना सीसीटीव्हीत कैद

दहशत माजवताना आरोपी सीसीटीव्ही कॅमेऱ्यात कैद झाले होते. सीसीटीव्हीच्या आधारे पोलिसांनी दहशत माजवणाऱ्या पाचही आरोपींना अटक केली आहे. या पाच जणांपैकी काही आरोपी हे रेकॉर्ड वरचे गुन्हेगार आहेत.

हे सुद्धा वाचा

जावई आणि सासूमध्ये प्रेमाचा अंकुर फुलला, बायको आणि तीन मुलं सोडून फरार झाला !

आईच्या दोन्ही किडन्या खराब, सहा भावंडांची जबाबदारी; वाचा अंजलीची करुण कहाणी

पत्नी रागाने माहेरी गेली, खूप समजूत काढूनही परत यायला तयार नव्हती; पत्नीच्या विरहात पतीने उचलले ‘हे’ पाऊल

हत्यारे दाखवून दहशत माजवण्याच्या घटनांमध्ये वाढ

गेल्या अनेक दिवसांपासून पुण्यात अनेक तरुण हातात कोयता घेऊन सर्रास दहशत घडवत आहेत. गेल्या काही दिवसापासून शहरातील अनेक मध्यवर्ती तसेच उपनगर भागात अनेक तरुण कोयता घेऊन फिरत असल्याचे अनेक व्हिडिओ समोर आले आहेत.