सिंघू सीमेवर तरुणाचा मृतदेह आढळल्याने खळबळ, हात कापून बॅरिकेट्सवर लटकवलं

Singhu Border

नवी दिल्ली : शेतकरी आंदोलन सुरु असलेल्या सिंघू सीमेवर (Singhu Border) एका तरुणाच्या निर्घृण हत्येचे प्रकरण समोर आले आहे. मिळालेल्या माहितीनुसार, त्याचा हात कापून मृतदेह बॅरिकेडवरून लटकवण्यात आला. मृतदेह सापडल्यानंतर सिंघू सीमेवर गोंधळाचं वातावरण आहे. सुरुवातीला आंदोलक पोलिसांना मुख्य स्टेजजवळ जाऊ देत नव्हते. मात्र, नंतर कुंडली पोलीस स्टेशनच्या कर्मचाऱ्यांनी मृतदेह खाली उतरवून सिव्हिल हॉस्पिटलमध्ये आणला.

काय आहे प्रकरण

तरुणाचा मृतदेह सकाळी सिंघू सीमेवर आंदोलकांच्या मुख्य स्टेजजवळ लटकलेल्या अवस्थेत आढळला. त्याचे वय 35 वर्षांच्या आसपास आहे. तरुणाच्या शरीरावर धारदार शस्त्राने हल्ला केल्याच्या खुणा सापडल्या आहेत. ठार झालेल्या तरुणाचा हात मनगटातून कापला गेला आहे. या खुनाचा आरोप निहंग्यांवर केला जात आहे.

शेतकरी आंदोलन

दिल्ली, हरियाणा आणि उत्तर प्रदेशच्या वेगवेगळ्या सीमांवर शेतकरी तीन नवीन कृषी कायद्यांना विरोध करत आहेत. या आंदोलनाला 9 महिन्यांहून अधिक काळ उलटला आहे. शेतकरी संघटना आणि सरकार यांच्यात अनेक बैठकाही झाल्या, पण आतापर्यंत कोणताही तोडगा निघालेला नाही. शेतकर्‍यांचे म्हणणे आहे की ते कृषी कायदे मागे घेण्यापूर्वी आंदोलन स्थळावरुन हलणार नाहीत. त्याच वेळी, सरकार म्हणते की ते कायदे मागे घेणार नाही, परंतु शेतकऱ्यांनी सांगितल्याप्रमाणे संभाव्य बदल करण्यास तयार आहे.