चोरांची अशीही दर्यादिली… इंजीनिअरच्या घरात फुटकी कवडी सापडली नाही, स्वत:च 500 रुपयांची नोट ठेवून गेले; कुठे घडला हा अजब प्रकार ?

नवी दिल्ली | 24 जुलै 2023 : आजकाल चोरीच्या घटना खूप वाढल्या आहेत. राजधानीतही चोरीची (theft cases) प्रकरणे खूप वाढलेली दिसत आहेत. मात्र तेथे एक अडब घटनाही पहायला मिळाली. चोरीच्या उद्देशाने घरात शिरलेल्या चोरांची भलतीच निराशा झाला. त्यांना चोरण्यासारखं काहीच मौल्यवान सामान सापडलं नाही. म्हणून चोरांनीच दर्यादिली दाखवत त्या घरात थोडे (thieves kept money) पैसे ठेवले आणि ते निघून गेले.

राजधानी दिल्लीत हा अजब-गजब किस्सा घडला आहे. रोहिणी भागात राहणाऱ्या एका सॉफ्टवेअर इंजिनीअरच्या घरात काही चोर घुसले होते. मात्र तेथे त्यांना चोरी करण्यासारखं काहीच सामान सापडल नाही. म्हणून दु:खी होऊन ते चोर स्वत:कडचे ५०० रुपयेच त्या इसमाच्या घरात ठेवून निघून गेले. चोरांचा हा अजब कारनामा सध्या चर्चेचा विषय बनला आहे.

नॉर्थ रोहिणी पोलिस स्टेशनच्या अधिकाऱ्यांना 19 जुलै रोजी सकाळी 8च्या सुमारास रोहिणी सेक्टर 8 मध्ये चोरी झाल्याची सूचना मिळाली होती. रिपोर्ट्सनुसार, तक्रार दाखल करणारा इसम आणि त्याची पत्नी , गुडगाव येथे त्यांच्या मुलाला भेटण्यासाठी जात होते. तेवढ्यात त्यांना शेजाऱ्यांचा फोन आला व तुमच्या घरात चोरी झाली आगे असे त्यांना सागण्यात आले. ते तातडीने घरी पोहोचले असता घराच्या मेन गेटचं कुलूप तुटलेलं दिसलं, मात्र त्यांच्या घरात कोणतंही मैल्यवान सामान नव्हतं, घरातील कपाटंही व्यवस्थित होती. हैराण करणारी एक गोष्ट म्हणजे, घटनास्थळी त्यांना 500 रुपयांची एक नोट सापडली.

माल न मिळाल्याने यापूर्वीही चोरांनी एका दांपत्याला दिली होती रक्कम

ही घटना मागील जूनमध्ये घडलेल्या घटनेसारखीच आहे. तेव्हा दोन दरोडेखोरांनी एका जोडप्याला लुटण्याचा प्रयत्न केला होता परंतु त्यांच्याकडे केवळ 20 रुपयेच सापडले होते. पूर्व दिल्लीतील शाहदरा येथील बाजार परिसरातील ही घटना सीसीटीव्ही कॅमेऱ्यात कैद झाली होती आणि सोशल मीडियावरही बरीच व्हायरल झाली होती. त्या दांपत्याकडे काहीच मौल्यवान सामान न मिळाल्याने दरोडेखोर निराश झाले होते. त्यापैकी एकानेच घटनास्थळावरून पळून जाण्यापूर्वी त्या जोडप्याला 00 रुपयांची नोट दिली. त्यानंतर पोलिसांनी किमान 200 कॅमेऱ्यांचे फुटेज स्कॅन करून दोन्ही दरोडेखोरांना अटक केली.