JEE Advanced Admit Card 2021: जेईई अ‍ॅडव्हान्स परीक्षेसाठी प्रवेशपत्र आज मिळणार, डाउनलोड कसे करावे ते जाणून घ्या !

जेईई अ‍ॅडव्हान्स परीक्षेसाठी प्रवेशपत्र आज जाहिर होणार आहे. इंडियन इन्स्टिट्यूट ऑफ टेक्नॉलॉजी आयआयटी, खरगपूर यांच्यातर्फे 15 सप्टेंबर रोजी म्हणजे आज हे प्रवेशपत्र विद्यार्थ्यांना मिळणार आहेत. प्रवेशपत्र मिळवण्यासाठी विद्यार्थ्यांना अर्ज क्रमांक आणि जन्मतारीख तपशीलमध्ये भरावी लागणार आहे. आणि त्यानंतर त्यांना प्रवेशपत्र डाऊनलोड करावे लागेल.

विद्यार्थी

टीव्ही 9 मराठी डिजीटल टीम | Updated on: Sep 25, 2021 | 12:22 PM

मुंबई : जेईई अ‍ॅडव्हान्स परीक्षेसाठी प्रवेशपत्र आज जाहिर होणार आहे. इंडियन इन्स्टिट्यूट ऑफ टेक्नॉलॉजी आयआयटी, खरगपूर यांच्यातर्फे 15 सप्टेंबर रोजी म्हणजे आज हे प्रवेशपत्र विद्यार्थ्यांना मिळणार आहेत. या परीक्षेला बसलेल्या विद्यार्थ्यांना अधिकृत वेबसाइट jeeadv.ac.in वर जाऊन जेईई अ‍ॅडव्हान्स परीक्षा 2021 साठी प्रवेशपत्र मिळणार आहेत. (JEE Advanced Admit Card 202, Admission tickets for JEE Advance Exam will be available today)

सर्वात महत्वाचे म्हणजे हे प्रवेशपत्र विद्यार्थ्यांना 3 ऑक्टोबर 2021 पर्यंतच मिळणार आहेत. प्रवेशपत्र मिळवण्यासाठी विद्यार्थ्यांना अर्ज क्रमांक आणि जन्मतारीख तपशीलमध्ये भरावी लागणार आहे. आणि त्यानंतर त्यांना प्रवेशपत्र डाऊनलोड करावे लागेल. JEE Advanced 2021 Admit Card विद्यार्थ्यांसाठी अतिशय महत्वाचे आहे. त्याशिवाय विद्यार्थाला परीक्षेला देखील बसता येणार नाही.

प्रवेशपत्रावरच विद्यार्थ्याचे केंद्र, नंबर आणि अधिकची माहीती असणार आहे. त्यामुळेच JEE Advanced 2021 Admit Card अत्यंत महत्वाचे आहे. या JEE Advanced 2021 Admit Card वर विद्यार्थ्यांची संपूर्ण माहीती असणार आहे. त्यामध्ये पालकाचे नाव, विद्यार्थीचे संपूर्ण नाव जेईई मेनचा रोल नंबर, अ‍ॅडव्हान्सचा रोल नंबर, सेंटर कोड, फोटो, वेळ, तारीख, पत्ता असेल.