JEE Main 2022 Paper 2 निकाल जाहीर! JoSAA समुपदेशन कधीपासून? वाचा सविस्तर
जेईई मेन पेपर 2 च्या निकालाची लिंक अधिकृत वेबसाइटवर सक्रिय करण्यात आलीये. निकाल डाउनलोड करण्यासाठी तुम्हाला जेईई मेन्स प्रवेशपत्र आणि इतर लॉगिन क्रेडेन्शियल्सची आवश्यकता असणारे.
संयुक्त प्रवेश परीक्षा (Joint Entrance Exam) मेन्स 2022 पेपर 2 चा निकाल जाहीर झालाय. नॅशनल टेस्टिंग एजन्सीने (National Testing Agency) हा निकाल जाहीर केलाय. उमेदवार आता त्यांचा जेईई मेन्स निकाल ऑनलाइन डाउनलोड करू शकतात. निकाल डाउनलोड करण्यासाठी उमेदवारांना jeemain.nta.nic.in अधिकृत वेबसाइटला भेट द्यावी लागेल. जेईई मेन पेपर 2 (JEE Main Paper 2) च्या निकालाची लिंक अधिकृत वेबसाइटवर सक्रिय करण्यात आलीये. निकाल डाउनलोड करण्यासाठी तुम्हाला जेईई मेन्स प्रवेशपत्र आणि इतर लॉगिन क्रेडेन्शियल्सची आवश्यकता असणारे.
JoSAA समुपदेशन 2022
जेईई मेन 2022 पेपर 2 चा निकाल जाहीर झाल्यानंतर आता उमेदवारांना JoSAA समुपदेशन 2022 मध्ये सहभागी होण्याची संधी मिळणार आहे.
समुपदेशनानंतर निवड होणाऱ्या उमेदवारांना देशातील सर्व आयआयटी आणि एनआयटीमध्ये विविध अभ्यासक्रमांना प्रवेश घेता येणार आहे.
त्याचबरोबर नॅशनल इन्स्टिट्यूट ऑफ टेक्नॉलॉजी (एनआयटी) आणि इंडियन इन्स्टिट्यूट ऑफ टेक्नॉलॉजी (आयआयटी) यांच्यासह देशातील इतर संस्थांमध्ये प्रवेश घेण्यासाठी संयुक्त जागा वाटप प्राधिकरणाने (JoSAA) समुपदेशन वेळापत्रक जाहीर केले आहे.
वेळापत्रकानुसार JoSAA समुपदेशन 2022 12 सप्टेंबरपासून सुरू होणार आहे.
समुपदेशनासाठी अर्ज कसा करावा?
पेपर 2 चा निकाल जाहीर झाल्यानंतर आता उमेदवारांना समुपदेशनासाठी josaa.nic.in अधिकृत वेबसाईटवर जाऊन अर्ज करावा लागणार आहे.
एकदा यशस्वीरित्या लॉग इन केल्यावर, उमेदवारांना स्वयंचलितपणे JoSAA 2022 च्या डेटाबेसवर रिडायरेक्ट केले जाईल.
उमेदवारांनी नोंदणी पूर्ण करण्यापूर्वी पुन्हा सर्व तपशील तपासावा. वेळापत्रकानुसार, JoSAA 2022 राऊंड वन समुपदेशनासाठी अर्ज प्रक्रिया 21 सप्टेंबर रोजी संपेल. जागा वाटपाचा निकाल 23 सप्टेंबर रोजी जाहीर केला जाईल.
जेईई मेन 2022 पेपर 2 निकाल थेट लिंक
जेईई मेन 2022 पेपर 2 चा निकाल कसा तपासायचा?
- निकाल पाहण्यासाठी jeemain.nta.nic.in अधिकृत वेबसाईटला भेट द्या.
- होमपेजवर तुम्हाला जेईई मेन 2022 पेपर 2 स्कोअर कार्ड लिंक दिसेल. या लिंकवर क्लिक करा.
- एक नवीन पेज उघडेल, जिथे आपल्याला आपले लॉगिन तपशील भरावे लागतील.
- अर्ज क्रमांक आणि जन्मतारीख भरावी लागेल
- आता तुम्हाला तुमचा जेईई मेन्स पेपर २ चा निकाल आणि रँक पाहता येईल
- निकाल डाऊनलोड करा आणि भविष्यातील वापरासाठी त्याची प्रिंटआऊट घ्या.
