Phase 5 Lok Sabha Election 2024 : पाचव्या टप्प्यात 49 जागांवर 20 मे रोजी मतदान

लोकसभा निवडणुकीसाठी तारखांची घोषणा झाली आहे. यावेळी देशात 7 टप्प्यात मतदान होणार आहे. 4 जूनला निकाल लागेल. पाचव्या टप्प्यासाठी 20 मे रोजी मतदान होईल. त्यासाठी 26 एप्रिलला नोटिफिकेशन जारी होईल. 3 मे पर्यंत उमेदवार आपले अर्ज दाखल करु शकतात. 4 मे रोजी त्यांच्या उमेदवारी अर्जाची तपासणी होईल. उमेदवार 6 मे पर्यंत आपले उमेदवारी अर्ज मागे घेऊ शकतात.

पाचव्या टप्प्यात 8 राज्यात लोकसभेच्या 49 जागांसाठी मतदान होईल. बिहारमध्ये 5, झारखंडच्या 3, महाराष्ट्रातील 13, ओदिशामध्ये 5, उत्तर प्रदेशातील 14, पश्चिम बंगालच्या 7 आणि जम्मू-कश्मीर आणि लडाखच्या 1 जागेवर मतदान होईल. सर्व टप्प्यातील निकाल 4 जून रोजी जाहीर होईल.

किती कोटी मतदार मतदान करणार?

निवडणूक आयोगाकडून मिळालेल्या माहितीनुसार, देशात यावेळी 97 कोटी मतदार मतदानात सहभागी होतील. यात 49 कोटी 72 लाख पुरुष मतदार आहेत. 47 कोटी 15 लाख महिला मतदार आहेत. यावेळच्या निवडणुकीत 10.5 लाख ईवीएम मशीनचा वापर होईल. देशभरात निवडणुकीसाठी 10 लाख 50 हजार पोलिंग बूथ बनवले जातील.

किती लाख मुली पहिल्यांदा मतदान करणार?

निवडणूक आयोगानुसार, या वेळच्या निवडणुकीसाठी 1 कोटी 50 लाख अधिकारी-कर्मचारी सहभागी होतील. 18 ते 19 वर्षाचे 1 कोटी 82 लाख मतदार पहिल्यांदा मतदान करतील. 85 लाख मुली पहिल्यांदा मतदानाचा अधिकार वापरतील. 85 वर्षापेक्षा अधिक वयाचे मतदार घरातूनच मतदान करु शकतात. देशात सध्या अशा मतदारांची संख्या 82 लाख आहे.

पाचव्या टप्प्यात 49 जागांवर मतदान त्याची संपूर्ण यादी

गुन्हेगारी पार्श्वभूमी असलेल्या व्यक्तीला तिकीट दिलं तर काय कराव लागेल?

निवडणुकीत हिंसाचाराला काही स्थान नाहीय असं निवडणूक आयुक्तांनी आधीच स्पष्ट केलय. आम्हाला जिथे कुठे हिंसाचार झाल्याची सूचना मिळेल, आम्ही लगेच कारवाई करु. गुन्हेगारी पार्श्वभूमी असलेल्या व्यक्तीला राजकीय पक्षांनी तिकीट दिलं, तर त्याच्याशी संबंधित माहिती सार्वजनिक करावी लागेल. पेपरमध्ये जाहीरात देऊन सांगाव लागेल की, त्यांनी अशा उमेदवाराला तिकीट का दिलं? त्याच्यामागे काय कारण आहे?