Tripura Election 2023 Result : टिपरा मोथा त्रिपुरात भाजपाच सत्तेच गणित बिघडवणार?

Tripura Election 2023 Result LIVE : ईशान्य भारतातील तीन राज्यांमध्ये विधानसभा निवडणुकीची मतमोजणी सुरु आहे. नागालँडमध्ये भाजपा एनडीपीपीच्या साथीने सरकार स्थापन करण्याच्या स्थितीमध्ये आहे. त्याचवेळी त्रिपुरामध्ये भाजपाचा खेळ बिघडण्याची शक्यता आहे. सुरुवातीचे कल हाती आले, तेव्हा भाजपाने 39-40 जागांवर आघाडी घेतली होती. भाजपा दुसऱ्यांदा त्रिपुरामध्ये सहज सरकार स्थापन करेल, असं वाटत होतं. पण आता जे कल दिसतायत, त्यानुसार भाजपाची आघाडी घटत चालली असून डावे-काँग्रेस कमबॅक करताना दिसतायत. त्रिपुरामध्ये भाजपा-आयपीएफटी, डावे-काँग्रेस आघाडी आणि माणिक्य देबबर्मा यांच्या टिपरा मोथा या तीन पक्षांमध्ये त्रिकोणी लढत आहे.

टिपरा मोथा गणित बिघडवणार?

सध्याच्या स्थितीत भाजपाकडे 29, डावे-काँग्रेस 19 आणि टीएमपी 13 जागांवर आघाडीवर आहे. डावे-काँग्रेस आणि टिपरा मोथा पक्ष एकत्र आले, तर भाजपाच सत्तेच गणित बिघडू शकतं. त्रिपुराच्या राजघराण्याचे राजे प्रद्योत माणिक्य देबबर्मा टिपरा मोथा पक्षाच नेतृत्व करतायत. हा पक्ष या निवडणुकीत एक्स फॅक्टर आहे. ते 13 जागांवर आघाडीवर आहेत. 2018 मध्ये भाजपाने त्रिपुरात किती जागा जिंकल्या?

2018 च्या विधानसभा निवडणुकीत भाजपाने त्रिपुरामध्ये सर्वाधिक 36 जागा जिकंल्या होत्या. डाव्यांची 35 वर्षांची सत्ता उलटवली होती. आयपीएफटीच्या साथीने भाजपा आघाडीकडे 44 जागा होत्या. डाव्या पक्षांना भाजपापेक्षा फक्त 1 टक्का कमी मत मिळाली होती. फक्त 16 जागा त्यांनी जिंकल्या होत्या.