Vishal: सेटवर अभिनेता विशालच्या पायाला दुखापत; शूटिंगचं पुढील शेड्युल रद्द
'लठ्ठी' याच चित्रपटाच्या शूटिंगदरम्यान विशालला दुसऱ्यांदा दुखापत झाली आहे. या चित्रपटात तो पोलीस अधिकाऱ्याची भूमिका साकारत असून त्याचे बरेच ॲक्शन सीन्स आहेत. सेटवरील एक फोटो सध्या सोशल मीडियावर व्हायरल होत आहे.
तमिळ चित्रपटसृष्टीतील प्रसिद्ध अभिनेता विशालच्या (Vishal) पायाला शूटिंगदरम्यान दुखापत झाली. ‘लठ्ठी’ (Laththi) या आगामी तमिळ चित्रपटातील ॲक्शन सीन्सचं शूटिंग करताना त्याच्या पायाला दुखापत (injury) झाली. चित्रपटाच्या क्लायमॅक्स सीनचं शूटिंग सुरू होतं. मात्र आता विशालच्या दुखापतीमुळे पुढील शूटिंग थांबवण्यात आली आहे. ‘लठ्ठी’ याच चित्रपटाच्या शूटिंगदरम्यान विशालला दुसऱ्यांदा दुखापत झाली आहे. या चित्रपटात तो पोलीस अधिकाऱ्याची भूमिका साकारत असून त्याचे बरेच ॲक्शन सीन्स आहेत. सेटवरील एक फोटो सध्या सोशल मीडियावर व्हायरल होत आहे.
सोशल मीडियावर व्हायरल होत असलेल्या या फोटोमध्ये विशाल जमिनीवर पाय पकडून बसलेला दिसत आहे. त्याच्या आजूबाजूला चित्रपटाची टीम त्याची काळजी घेताना पहायला मिळत आहे. राष्ट्रीय पुरस्कार विजेते स्टंट कोरिओग्राफर पीटर हेन हे या चित्रपटातील क्लायमॅक्स ॲक्शन सीक्वेन्सचं परीक्षण करत आहेत. फेब्रुवारीमध्ये लठ्ठीच्या ॲक्शन सीनचं शूटिंग करताना विशालला त्याच्या हातावर आणि बोटावर अनेक हेअरलाइन फ्रॅक्चर झाले होते. त्यातून बरं व्हायला त्याला एक महिना लागला आणि त्यादरम्यान त्याने शूटिंगमधून ब्रेक घेतला. त्यानंतर मार्च महिन्यात तो शूटिंगला परतला.
पहा फोटो-
Actor @VishalKOfficial once again got injured on the sets of #Laththi .
The Night Shoot was cancelled as #Vishal got a leg injury during shoot of climax fight sequence happening at chennai. The shoot will resume once the actor recovers. pic.twitter.com/xnPAx8THHW
— Sreedhar Pillai (@sri50) July 3, 2022
‘मी परत आलोय. केरळमध्ये काही आठवडे आराम केल्यानंतर मी शूटिंगला परतलोय. आता चित्रपटाच्या फायनल शेड्युलसाठी शूटिंग करायला मी सज्ज आहे’, असं त्याने ट्विट केलं होतं. रमण आणि नंदा यांच्या प्रॉडक्शन हाऊसद्वारे निर्मित लठ्ठीचं दिग्दर्शन ए विनोद कुमार यांनी केलं आहे. यात सॅम सीएस संगीत दिग्दर्शक आहेत तर एम बालसुब्रमण्यम सिनेमॅटोग्राफीची जबाबदारी सांभाळत आहेत.
