Kareena Kapoor : ‘माझ्या अफेअरची चर्चा व्हायची तेव्हा मला वाईट वाटायचं’ पण आता…

वैयक्तिक आयुष्यातील गोष्टींची सोशल मीडियावर चर्चा होण्याबाबत करिना कपूर बोलती झाली. ती काय म्हणाली पाहुयात...

करिना कपूर, सैफ अली खान,

टीव्ही 9 मराठी डिजीटल टीम | Updated on: Feb 02, 2022 | 4:16 PM

आयेशा सय्यद, मुंबई: करिना कपूर-खान (Kareena Kapoor Khan) बॉलिवूडमधलं बहुचर्चित नाव. करिना कपूरचं काम, तिचं वैयक्तिक आयुष्य, तिचं ब्रेकअप, तिचं सैफ अली खानसोबत (Saif Ali Khan) लग्न, तिचा मुलगा तैमूर (Taimur) या सगळ्याबाबत अनेकांना उत्सुकता असते. तिच्याबाबतच्या अनेक गोष्टींची सोशल मीडियावर चर्चा होते. या सगळ्या संदर्भात करिनाला स्वत:ला या सगळ्याबाबत काय वाटतं? याची उत्तरं तिनं दिली आहेत. तिनं एका मुलाखतीत यासगळ्याबाबत आधी आपल्याला वाईट वाटत असल्याचं तिने सांगितलं. अभिनेत्री ट्विंकल खन्ना हिने नुकतीच तिची मुलाखत घेतली तेव्हा करिनाने आपलं मत मांडलं.

करिना कपूर काय म्हणाली

‘माझं वैयक्तिक आयुष्य, माझं करिअर या सगळ्या गोष्टींवर लोक विनाकारण चर्चा करतात. आधी मला या सगळ्याचा खूप त्रास व्हायचा. मात्र आता मी या सगळ्या गोष्टींकडे मी दुर्लक्ष करते. माझं करिअर, मी नाकारलेला सिनेमा याबाबतही बोललं गेलं. एकेकाळी माझं ब्रेकअप हा नेटकऱ्यांच्या चर्चेचा विषय होता. त्यानंतर मी सैफसोबत लग्न केलं. आमचं लग्नही टीव्ही चॅनेलच्या हेडलाईनमध्ये होतं.’, असं करिना म्हणाली.

संजय लीला भन्साळींचा सिनेमा नाकारला, चर्चाच चर्चा

करिनाने संजय लीला भन्साळी यांचा एक सिनेमा नाकारला त्यावेळी ही बाब चर्चेत होती. त्याविषयी करिना म्हणाली, ‘मी संजय लीला भन्साळी यांचा चित्रपट नाकारला तर ही गोष्ट एक वर्षभर चर्चेचा विषय बनली होती.’

करीना कपूर ‘लाल सिंग चड्ढा’ या चित्रपटात दिसणार आहे. ‘लाल सिंग चड्ढा’ हा सिनेमा 14 एप्रिलला प्रदर्शित होणार आहे. करिनाचा आगामी चित्रपट प्रेक्षकांना किती आवडतो हे पहावं लागेल.

संबंधित बातम्या