ऐश्वर्या राय हिच्या Baby Shower चे कधीही न पाहिलेले फोटो समोर; बच्चन कुटुंबाचे आनंदाचे क्षण

मुंबई : बॉलिवूडच्या प्रसिद्ध अभिनेत्रींपैकी एक म्हणजे अभिनेत्री ऐश्वर्या राय (aishwarya rai). वयाच्या ४९ व्या वर्षी देखील ऐश्वर्या प्रचंड सुंदर दिसते. आज ऐश्वर्या बॉलिवूडपासून दूर असली तरी, तिच्या चाहत्यांची संख्या मात्र फार मोठी आहे. अभिनेत्रीची एक झलक पाहण्यासाठी चाहते उत्सुक असतात. नुकताच ऐश्वर्या मुलगी आराध्या बच्चन हिच्यासोबत नीता मुकेश अंबानी कल्चरल सेंटरच्या उद्धाटनाला उपस्थित होती. तेव्हा अनेकांच्या नजरा ऐश्वर्या आणि लेक आराध्या यांच्यावर येवून थांबल्या. ऐश्वर्याच्या सौंदर्यापुढे सध्याच्या बॉलिवूड अभिनेत्रींचं ग्लॅमर देखील फिकं आहे. अनेक ठिकाणी ऐश्वर्या पारंपरिक लूकमध्ये दिसते. तिचे फोटो देखील सोशल मीडियावर तुफान व्हायरल होत असतात. आता सध्या ऐश्वर्याच्या बेबी शॉव्हरचे फोटो सोशल मीडियावर तुफान व्हायरल होत आहेत. (aishwarya rai family)

ऐश्वर्याच्या बेबी शॉव्हरचे हे फोटो पहिल्यांदा समोर आले आहेत. फोटोमध्ये राय आणि बच्चन कुटुंब आनंदात दिसत आहेत. एका फोटोमध्ये ऐश्वर्या अभिनेत्री हेमा मालिनी यांच्यासोबत देखील दिसत आहेत. हा फोटो देखील ऐश्वर्याच्या बेबी शॉव्हरमधील असल्याची शक्यता वर्तवण्यात येत आहे.

हे सुद्धा वाचा

गौतमी पाटील नवऱ्याला सोडेल, पण आयुष्यातील ‘या’ खास व्यक्तीला कधीच सोडणार नाही

Salman Khan सोबत व्हिडीओ व्हायरल झाल्यानंतर ऐश्वर्या – अभिषेक यांच्या घटस्फोटाच्या चर्चांना उधाण

ऐश्वर्या आणि अभिनेता अभिषेक बच्चन यांनी २००७ मध्ये लग्न करण्याचा निर्णय घेतला. फार ठराविक पाहुण्यांच्या उपस्थितीत दोघांचा विवाह सोहळा पार पडला. दोघांच्या लग्नाची चर्चा देखील तुफान रंगली. ऐश्वर्या आणि अभिषेक यांनी लग्न केल्यामुळे चाहत्यांमध्ये देखील आनंदाचं वातावरण होतं. त्यांच्या लग्नाचे फोटो देखील सोशल मीडियावर आजही व्हायरल होत असतात.

लग्नानंतर चार वर्षांनी ऐश्वर्याने गोंडस मुलीला जन्म दिला. महानायक अमिताभ बच्चन यांनी नात आराध्या बच्चन हिला दाखवल्यानंतर चाहत्यांचा उत्साह शिगेला पोहोचला. आता ऐश्वर्याच्या बेबी शॉव्हरचे फोटो व्हायरल होत असल्यामुळे बच्चन कुटुंब पुन्हा चर्चेत आलं आहे.

ऐश्वर्या कायम तिच्या खासगी आणि प्रोफेशनल आयुष्यामुळे चर्चेत असते. आज अभिनेत्री अभिनयापासून दूर असली तरी, सोशल मीडियाच्या माध्यमातून चाहत्यांच्या संपर्कात राहण्याचा प्रयत्न करत असते. सध्या सर्वत्र बच्चन कुटुंबाची चर्चा रंगत आहे. ऐश्वर्या गेल्या काही दिवसांपासून तिच्या खासगी आयुष्यामुळे चर्चेत आहे.

अनेक ठिकाणी अभिषेक आणि ऐश्वर्या यांना मुलगी आराध्या हिच्यासोबत स्पॉट केलं जात. शिवाय अभिषेक आणि ऐश्वर्या महत्त्वाचं निमित्त साधत सोशल मीडियाच्या माध्यमातून एकमेकांवर असलेलं प्रेम व्यक्त करताना दिसतात. शिवाय अभिषेक आणि ऐश्वर्या ही जोडी देखील चाहत्यांना प्रचंड आवडते.