Aishwarya Rai | ‘या हेअरस्टाइलमागे काय सिक्रेट असावं बरं’; ऐश्वर्या रायला लूकवरून केलं ट्रोल
याआधी ऐश्वर्या तिच्या लूकमुळेही ट्रोल झाली होती. आज सलमान खान तुला पाहून सुटकेचा नि:श्वास सोडत असेल, अशा शब्दांत एका नेटकऱ्याने ट्रोल केलं. तर तिने चेहऱ्यावर खूपच बोटॉक्स केलं आहे, असं दुसऱ्याने म्हटलं होतं.
मुंबई : अभिनेत्री ऐश्वर्या राय बच्चन सध्या तिच्या आगामी ‘पोन्नियिन सेल्वन – 2’ या चित्रपटाच्या प्रमोशनमध्ये व्यग्र आहे. या प्रमोशनदरम्यानचा ऐश्वर्याचा एक व्हिडीओ सध्या सोशल मीडियावर व्हायरल होत आहे. या व्हिडीओवर नेटकऱ्यांनी ऐश्वर्याला तिच्या हेअरस्टाइलवरून ट्रोल केलंय. ऐश्वर्याला नेहमी एकाच हेअरस्टाइलमध्ये पाहिलं जातं. त्यामुळे वैतागलेल्या नेटकऱ्यांनी तिला त्यामागचं सिक्रेट विचारलंय. पापाराझींनी इन्स्टाग्रामवर पोस्ट केलेल्या या व्हिडीओवर नेटकऱ्यांकडून विविध प्रतिक्रिया येत आहेत.
गेल्या काही वर्षांत ऐश्वर्या कोणत्याही पार्टीत, कार्यक्रमात किंवा सहज एअरपोर्टवर जरी दिसली तरी तिचा एकच लूक पहायला मिळाला. याआधीही बऱ्याच व्हिडीओंवर कमेंट करत नेटकऱ्यांनी तिला ट्रोल केलं. आता पुन्हा एकदा नेटकऱ्यांनी ऐश्वर्यावर तिच्या हेअरस्टाइलमुळे निशाणा साधला आहे.
‘प्रत्येकवेळी हीच हेअरस्टाइल करण्यामागे तिचं काही तरी गुपित असेल असं मला वाटतं’, असं एकाने लिहिलंय. तर ऐश्वर्या तिच्या गालावरचे फिलर्स लपवण्याचा प्रयत्न करतेय, असं दुसऱ्या युजरने म्हटलंय. ‘या हेअरस्टाइलमागचं गुपित आहे तरी काय? ती का बदलू शकत नाही? तिच्या मुलीचंही हेअरस्टाइल ती बदलत नाहीये’, असंही नेटकऱ्यांनी म्हटलंय.
View this post on Instagram
याआधी ऐश्वर्या तिच्या लूकमुळेही ट्रोल झाली होती. आज सलमान खान तुला पाहून सुटकेचा नि:श्वास सोडत असेल, अशा शब्दांत एका नेटकऱ्याने ट्रोल केलं. तर तिने चेहऱ्यावर खूपच बोटॉक्स केलं आहे, असं दुसऱ्याने म्हटलं होतं. ऐश्वर्याने तिच्या चेहऱ्यावर नेमकं काय केलंय, असाही सवाल काहींनी केला होता. ऐश्वर्याने स्वत:च्याच सौंदर्याची वाट लावली, अशी टीका युजर्सनी केली होती.
