आईच्या निधनानंतर सुरु झालं अक्षय कुमार याचं ‘बॅडलक’! भावुक होत अभिनेता म्हणाला…
...म्हणून म्हणतात का 'स्वामी तिन्ही जगाचा आईविना भिकारी...', आईच्या निधनानंतर सुरु झालं खिलाडी कुमार याचं 'बॅडलक', आईचं नाव घेताच अभिनेत्याच्या डोळ्यात पाणी
Akshay Kumar : ‘स्वामी तिन्ही जगाचा आईविना भिकारी…’ आईचा (mother) चेहरा पाहिला तरी दिवसभराचा थकवा क्षणात दूर होतो. देव सगळीकडे आपल्यासोबत राहू शकत नाही, म्हणून देवाच्या रुपात प्रत्येकाच्या आयुष्यात आई-वडील असतात असं म्हणतात. आईला आपण आयुष्यातील प्रत्येक गोष्ट सांगतो. ज्यामुळे आयुष्यात जगायचं आणि लढायचं कसं? हे कळंत… सर्वसामान्यच नाही सेलिब्रिटी देखील आईसोबत असलेलं नातं सर्वांना सांगतात. अभिनेता अक्षय कुमार देखील कायम त्याच्या आईबद्दल चाहत्यांना सांगायचा. अक्षय कुमार याच्यासाठी 2022 हे वर्ष काही खास गेले नाही. पण नव्या वर्षातील पहिला सिनेमा देखील अपयशी ठरल्यानंतर सर्वत्र चर्चा रंगल्या आहेत. गेल्या वर्षी देखील अभिनेत्या एकामागे एक अनेक सिनेमे फ्लॉप ठरले. अशात आईच्या निधनानंतर अक्षय कुमार याचं ‘बॅडलक’ सुरु झालं आहे का? अशी चर्चा रंगत आहे. (Akshay Kumar mother)
एका कार्यक्रमात अक्षय याला विचारलं, ‘अक्षय तुझ्याकडे गाडी आहे, बंगला आहे, संपत्ती आहे… हा एक फार जुना डायलॉग आहे. पण पहायला गेलं तर तुझ्याकडे आई नाही? तू आईच्या फार जवळ होतास. जेव्हा आईचं निधन झालं, तेव्हापासून तुझा एकही सिनेमा यशस्वी ठरला नाही..’ प्रश्न ऐकताच अक्षय याला आईची आठवण आली आणि अभिनेत्याच्या डोळ्यात पाणी आलं. (Akshay Kumar relation with mother)
आईच्या निधनानंतर अक्षय कुमार याचं ‘बॅडलक’ सुरु झालं आहे का? यावर अभिनेता म्हणाला, ‘तुम्ही जे बोलत आहात अगदी बरोबर आहे. मी माझ्या आईच्या फार जवळ होतो. आयुष्यात आई – वडिलांचं असणं फार महत्त्वाचं असतं. तुम्ही बरोबर बोलला आहात, जेव्हा मी आईला गमावलं, तेव्हापासून माझ्या आयुष्यात अनेक बदल झाले आहेत.’
पुढे अभिनेता म्हणाला, ‘ आजही आई कायम माझ्यासोबत आहे. आई आता या जगात नाही, यावर विश्वास बसत नाही. अनेकदा वाटतं याक्षणी आई घरी माझी प्रतीक्षा करत असेल. पण जेव्हा वास्तव लक्षात येतं तेव्हा आणखी दुःख होतं…’ असं देखील अभिनेता म्हणाला. (akshay kumar mother aruna bhatia)
नुकताच अक्षय कुमार याचा ‘सेल्फी’ (selfiee) सिनेमा प्रदर्शित झाला. खिलाडी कुमार अर्थात अक्षय कुमार याचा सेल्फी हा चित्रपट 2023 मधील पहिला रिलीज झालेला चित्रपट (Movie) आहे. अक्षय कुमार याच्यासाठी 2022 हे वर्ष काही खास गेले नाही. पण नव्या वर्षातील पहिला सिनेमा देखील अपयशी ठरल्यानंतर सर्वत्र चर्चा रंगल्या आहेत.
सांगायचं झालं तर, ‘सेल्फी’ सिनेमा मल्याळम सिनेमा ‘ड्रायव्हिंग लायसन्स’चा हिंदी रिमेक आहे. पृथ्वीराज आणि सूरज वेंजारामूडू यांनी ‘ड्रायव्हिंग लायसन्स’ सिनेमात मुख्य भूमिका साकारली होती. तर सिनेमाचा रिमेक ‘सेल्फी’ मध्ये अक्षय कुमार आणि इमरान हाश्मी मुख्य भूमिकेत चाहत्यांच्या भेटीस आले. आता येणाऱ्या दिवसांत सिनेमा किती रुपयांचा गल्ला जमा करतो हे पाहणं महत्त्वाचं ठरणार आहे. (akshay kumar movies latest)
