Akshay Kumar | अक्षयला भेटण्यासाठी चाहत्याने बॅरिकेडवरून मारली उडी, बॉडीगार्डने दिला धक्का अन्..
मुंबईतील एका कार्यक्रमात दोघांनी 'सेल्फी'चं प्रमोशन केलं. या कार्यक्रमादरम्यान एका चाहत्याने बॅरिकेडवरून उडी मारून अक्षयला भेटण्याचा प्रयत्न केला. मात्र त्यानंतर जे झालं, त्याची क्वचितच कोणी कल्पना केली असेल.
मुंबई : बॉलिवूडचा ‘खिलाडी’ अर्थात अभिनेता अक्षय कुमार सध्या त्याच्या ‘सेल्फी’ या चित्रपटामुळे चर्चेत आहे. अभिनेता इमरान हाश्मीसोबत तो या चित्रपटाचं जोरदार प्रमोशन करतोय. नुकतेच हे दोघं मुंबई मेट्रोच्या सफरीला निघाले होते. त्यानंतर मुंबईतील एका कार्यक्रमात दोघांनी ‘सेल्फी’चं प्रमोशन केलं. या कार्यक्रमादरम्यान एका चाहत्याने बॅरिकेडवरून उडी मारून अक्षयला भेटण्याचा प्रयत्न केला. मात्र त्यानंतर जे झालं, त्याची क्वचितच कोणी कल्पना केली असेल.
अक्षयला भेटण्यासाठी चाहत्याने बॅरिकेडवरून मारली उडी
अक्षय कुमार आणि इमरान हाश्मी यांच्या ‘सेल्फी’ या चित्रपटात एक स्टार आणि त्याच्या चाहत्याची कहाणी दाखवण्यात आली आहे. मात्र या चित्रपटाच्या प्रदर्शनापूर्वीच नेटकऱ्यांनी रिअल लाइफमध्ये एक फिल्मी सीन पहायला मिळाला. मुंबईतील एका कार्यक्रमात अक्षय कुमार त्याच्या चित्रपटाचं प्रमोशन करत होता. याठिकाणी जमलेल्या चाहत्यांचं मनोरंजन करण्यासाठी दोघांनी डान्ससुद्धा केला. सर्वकाही ठीक चाललं होतं, मात्र अचानक अक्षयला भेटण्यासाठी गर्दी नियंत्रणाबाहेर गेली.
पहा व्हिडीओ
Two things come to mind after watching this video that how much fans of #AkshayKumar love Akshay and how much love and respect Akshay Kumar gives to his fans?? pic.twitter.com/SL3Pa00LlI
— ༄༒Swєtα?࿐ (@Swetaakkian) February 19, 2023
अक्षयची एक झलक पाहण्यासाठी, त्याच्याशी हात मिळवण्यासाठी चाहते आतूर झाले. यादरम्यान एका चाहत्याने बॅरिकेडवरून उडी मारून अक्षयला भेटण्याचा प्रयत्न केला. मात्र अक्षयसमोर उभ्या असलेल्या बॉडीगार्ड्सनी त्याला धक्का देऊन मागे हटवलं. त्यानंतर तो चाहता जमिनीवर पडला. त्याला पाहताचक्षणी अक्षयने बॉडीगार्ड्सना थांबवलं आणि त्या चाहत्याला जाऊन मिठी मारली. हे सर्व पापाराझींनी त्यांच्या कॅमेऱ्यात कैद केलं. हाच व्हिडीओ सध्या सोशल मीडियावर व्हायरल होत आहे.
चाहत्यांप्रती असलेलं प्रेम पाहून खिलाडी कुमारवर नेटकरी खुश झाले. सोशल मीडियावर अक्षयच्या या वागणुकीची जोरदार चर्चा होत आहे. त्यावर विविध कमेंट्सचा वर्षाव होत आहे. ‘हा व्हिडीओ पाहिल्यानंतर दोन गोष्टी मनात आल्या आहेत. एक म्हणजे अक्षयचे चाहते त्याच्यावर किती प्रेम करतात आणि दुसरं म्हणजे अक्षय त्याच्या चाहत्यांवर किती प्रेम करतो आणि त्यांचा किती आदर करतो’, असं एकाने लिहिलं.
अक्षय कुमार आणि इमरान हाश्मी यांचा ‘सेल्फी’ हा चित्रपट येत्या 24 फेब्रुवारी रोजी प्रेक्षकांच्या भेटीला येणार आहे. या चित्रपटातील गाणी आधीच सोशल मीडियावर हिट ठरत आहेत. त्यामुळे ही नवी जोडी मोठ्या पडद्यावर काय कमाल करते, हे पाहणं औत्सुक्याचं ठरणार आहे.
