Alia Bhatt: आलिया भट्ट दुसऱ्यांदा गरोदर? राहा कपूरला भेटणार छोटा भाऊ किंवा बहीण?
आलियाने नुकताच इन्स्टाग्रामवर एक फोटो पोस्ट केला आहे. या फोटोचं कॅप्शन वाचून चाहत्यांना तिच्या गरोदरपणावरून प्रश्न पडला आहे.
मुंबई: अभिनेता रणबीर कपूर आणि आलिया भट्ट यांनी गेल्या वर्षी एप्रिलमध्ये लग्नगाठ बांधली. लग्नाच्या दोन महिन्यांनंतर जूनमध्ये आलियाने गरोदर असल्याचं जाहीर केलं. नोव्हेंबर 2022 मध्ये तिने मुलगी राहा कपूरला जन्म दिला. 6 जानेवारी 2023 रोजी रणबीर-आलियाची मुलगी दोन महिन्यांची झाली. आतापर्यंत त्यांनी राहाचा चेहरा चाहत्यांना दाखवलेला नाही. आलियाने नुकताच इन्स्टाग्रामवर एक फोटो पोस्ट केला आहे. या फोटोचं कॅप्शन वाचून चाहत्यांना तिच्या गरोदरपणावरून प्रश्न पडला आहे.
इन्स्टाग्रामवर पोस्ट केलेल्या या फोटोमध्ये आलियाच्या हातात फूल पहायला मिळतंय. आलियाने दोन फुलं अशा पद्धतीने हातात धरलं आहे, ज्यावरून ती ‘2’ हा आकडा दाखवण्याचा प्रयत्न करतेय, असा अंदाज वर्तवला जात आहे. यासोबतच तिने कॅप्शनमध्ये लिहिलं आहे, ‘2.0 स्टे ट्युन्ड’.
फोटो आणि या खास कॅप्शनमुळे आलिया पुन्हा एकदा गरोदर आहे का, असा प्रश्न चाहत्यांना पडला आहे. ‘दुसरं बाळ येणार आहे का’, असा सवाल एका युजरने केला. तर ‘ब्रह्मास्त्र 2.0’ची घोषणा होणार आहे का, असं दुसऱ्याने म्हटलंय. नेमकी कोणती घोषणा करणार आहेस, याची फार उत्सुकता आहे, असंही नेटकऱ्यांनी कमेंट बॉक्समध्ये लिहिलं आहे.
View this post on Instagram
राहाच्या जन्मानंतर दिलेल्या पहिल्या मुलाखतीत आलिया मातृत्वाबद्दल व्यक्त झाली होती. “अवघ्या काही दिवसांत मातृत्वाच्या भावनेनं माझ्यात खूप काही बदल आणले आहेत,” असं ती म्हणाली होती.
आई झाल्यानंतर चित्रपटांच्या निवडीवर काही परिणाम होईल का, असाही प्रश्न तिला या मुलाखतीत विचारण्यात आला होता. त्यावर उत्तर देताना ती पुढे म्हणाली, “ही गोष्ट माझ्या दृष्टीकोनालाही बदलणारी आहे. पहिल्यापेक्षा आता माझं मन खूप मोकळं झालंय असं मला वाटतं. मला माहीत नाही की काय बदल होतील, पण पुढे काय होईल हे पहायला मला आवडेल. या प्रवासासाठी मी खूपच उत्सुक आहे.”
