साऊथ सुपरस्टारने स्टेजवर ढकलल्याच्या घटनेवर अखेर अभिनेत्रीने सोडलं मौन; म्हणाली..

दाक्षिणात्य चित्रपटसृष्टीतील प्रसिद्ध अभिनेते नंदमुरी बालकृष्ण यांच्यावर सोशल मीडियाद्वारे प्रचंड टीका होत आहे. एका कार्यक्रमातील त्यांचा व्हिडीओ सध्या तुफान व्हायरल होत असून या व्हिडीओमध्ये त्यांनी एका अभिनेत्रीला ढकलल्याचं दिसून येत आहे. अभिनेत्री अंजलीच्या आगामी चित्रपटाच्या प्री-रिलीज कार्यक्रमात ते मुख्य पाहुणे म्हणून पोहोचले होते. मात्र स्टेजवर त्यांनी सर्वांसमोर अंजलीला रागात ढकललं. या व्हिडीओवर अखेर अंजलीने मौन सोडलं आहे. अंजलीने याच कार्यक्रमातील व्हिडीओ तिच्या एक्स (ट्विटर) अकाऊंटवर पोस्ट केला आहे.

या व्हिडीओ क्लिपमध्ये नंदमुरी बालकृष्ण आणि अंजली हे एकमेकांशी बोलताना, हाय-फाइव्ह देताना, हसताना दिसत आहेत. त्याचसोबत नंदमुरी अंजलीला ढकलतानाही दिसत आहेत. नंदमुरी जरी रागात ढकलले तरी अंजली मात्र ती घटना हसण्यावारी घेते. या क्लिपच्या कॅप्शनमध्ये अंजलीने लिहिलंय, ”गँग्स ऑफ गोदावरी’ या चित्रपटाच्या प्री-रिलीज कार्यक्रमात उपस्थित राहिल्याबद्दल मी बालकृष्ण यांची खूप आभारी आहे. मला याविषयी व्यक्त व्हायचंय की बालकृष्ण आणि माझ्यात एकमेकांविषयी खूप आदर आहे. फार आधीपासून आमच्यात चांगली मैत्री आहे. त्यांच्यासोबत पुन्हा एकदा स्टेज शेअर करण्याचा अनुभव अप्रतिम होता.’

हे सुद्धा वाचा

व्हिडीओ रेकॉर्ड होत असल्याचं पाहताच कतरिनाने विकीला भररस्त्यात थांबवलं अन्..

दलजीत कौरच्या आरोपांवर अखेर निखिलने सोडलं मौन; सांगितलं लग्न मोडल्याचं कारण

‘हमारे बारह’ चित्रपटावरून का होतोय वाद? अनु कपूर यांच्याकडून पोलीस संरक्षणाची मागणी

अंबानी कुटुंबातील ‘या’ सूना वयाने पतीपेक्षा आहेत मोठ्या; राधिका मर्चंटचाही समावेश

नेमकं काय घडलं होतं?

बालकृष्ण जेव्हा स्टेजवर येतात तेव्हा ते बाजूला उभ्या असलेल्या अंजलीला सरकरण्यास सांगतात. त्यानंतर अंजली थोडी सरकते, पण इतक्यात बालकृष्ण रागाने तिला ढकलतात. स्टेजवर अंजली आणि बालकृष्ण यांच्यामध्ये अभिनेत्री नेहा उभी असते. अंजलीला ढकलल्यानंतर तिच्या चेहऱ्यावर आश्चर्य सहज दिसून येतंय. मात्र अंजली जोरात हसते आणि बाजूला सरकते. यावेळी मंचावर मागे उभे असलेले इतर काहीजणसुद्धा बालकृष्ण यांच्या या कृत्यावर हसतात. हा व्हिडीओ व्हायरल झाल्यानंतर नेटकरी आणि इतर सेलिब्रिटींकडूनही बालकृष्ण यांच्यावर प्रचंड टीका होत आहे.

I want to thank Balakrishna Garu for gracing the Gangs of Godavari pre-release event with his presence.

I would like to express that Balakrishna garu and I have always maintained mutual respect for eachother and We share a great friendship from a long time. It was wonderful to… pic.twitter.com/mMOOqGcch2

— Anjali (@yoursanjali) May 30, 2024

बॉलिवूड दिग्दर्शक हंसल मेहता यांनीसुद्धा बालकृष्ण यांच्या या व्हिडीओवर प्रतिक्रिया दिली आहे. ‘कोण आहे हा लबाड माणूस?’, अशी संतापजनक कमेंट त्यांनी या व्हिडीओवर केली आहे. बालकृष्ण यांचा स्वभावच तसा आहे, असं म्हणत काही नेटकऱ्यांनी त्यांचं समर्थन केलं. अशा नेटकऱ्यांच्या कमेंटवर हंसल मेहता यांनी लिहिलं, ‘लबाड x100.’ अभिनेता नकुल मेहतानेही बालकृष्ण यांच्यावर टीका केली आहे.