आणखी एका घटस्फोटाने बॉलिवूड हादरलं, एआर रहमानचा होणार घटस्फोट
संगीतकार आणि ऑस्कर विजेते एआर रहमान याच्या पत्नीने २९ वर्षांच्या लग्नानंतर घटस्फोट घेण्याचा निर्णय घेतला आहे. घटस्फोटाचे कारणही त्यांच्या वकिलाने निवेदनाद्वारे स्पष्ट केले आहे.
संगीतकार आणि ऑस्कर विजेता एआर रहमान पत्नीपासून घटस्फोट घेणार आहे. 29 वर्षांच्या लग्नानंतर एआर रहमान आणि सायरा बानो यांनी वेगळे होण्याचा निर्णय घेतला आहे. एआर रहमान आणि सायरा यांचे 1995 मध्ये लग्न झाले होते. त्यांना खदिजा, रहीमा आणि आमीन अशी तीन मुले आहेत. ए आर रहमान यांच्या पत्नी सायरा बानो यांच्या वकिलाने एक निवेदन जारी करून त्यांच्या घटस्फोटाचे कारण सांगितले आहे. त्यांच्या नात्यात दुरावा निर्माण झाला आणि त्यामुळे सायराने पतीपासून घटस्फोट घेण्याचा निर्णय घेतलाय. सायराने लोकांना तिच्या गोपनीयतेत ढवळाढवळ न करण्याचे आवाहनही केले आहे.
सायरा बानोचे वकील म्हणाले की, ‘लग्नाच्या अनेक वर्षानंतर सायराने पती एआर रहमानपासून वेगळे होण्याचा कठीण निर्णय घेतला आहे. त्यांच्या नात्यात तणावानंतर त्यांनी हा निर्णय घेतला आहे. ‘एकमेकांवर प्रेम असूनही, या जोडप्याला त्यांच्या नात्या तणाव आणि अडचणी जाणवत होत्या. त्यांच्या नात्यात एक दरी निर्माण झाली आहे. जी यावेळी कोणालाही भरुन काढणे शक्य वाटत नाही.’
निवेदनात पुढे म्हटले आहे की, सायरा बानू यांनी जोर दिला की, वेदना आणि त्रासामुळे तिने हा निर्णय घेतला आहे. ती या आव्हानात्मक काळात लोकांकडून गोपनीयता आणि समजून घेण्याची विनंती करते, कारण ती तिच्या आयुष्यातील या कठीण टप्प्यातून जात आहे.
View this post on Instagram
एआर रहमान आणि सायरा बानो यांचा मुलगा एआर अमीन यानेही इन्स्टाग्राम स्टोरीवर पोस्ट केली आहे. त्याने देखील लोकांना त्यांच्या गोपनीयतेची काळजी घेण्याची विनंती केली आहे. पोस्टमध्ये अमीनने लिहिले- ‘यावेळी आम्ही प्रत्येकाला आमच्या गोपनीयतेचा आदर करण्याचे आवाहन करतो.
