Ayushmann Khurrana | वडिलांच्या अंत्यविधीदरम्यान आयुषमान खुरानाला ‘ही’ चूक पडली महागात, तुफान ट्रोलिंग
आयुषमानचे वडील पंडित पी. खुराना हे ज्योतिष क्षेत्रात खूप प्रसिद्ध होते. त्यांनी ज्योतिषशास्त्राशी संबंधित अनेक पुस्तकंही लिहिली आहेत. ज्योतिषाच्या क्षेत्रातील या ज्ञानामुळे त्यांना खूप मानसन्मान मिळाला होता.
मुंबई : अभिनेता आयुषमान खुराना आणि अपारशक्ती खुराना यांचे वडील पी. खुराना यांचं शुक्रवारी निधन झालं. पी. खुराना हे प्रसिद्ध ज्योतिषी होते. गेल्या काही दिवसांपासून त्यांच्यावर मोहाली इथल्या खासगी रुग्णालयात उपचार सुरू होते. अखेर शुक्रवारी सकाळी 10.30 च्या सुमारास त्यांची प्राणज्योत मालवली. वडिलांच्या निधनानंतर सोशल मीडियावर सध्या आयुषमानचा एक व्हिडीओ व्हायरल होत आहे. या व्हिडीओमध्ये आयुषमान त्याच्या वडिलांच्या पार्थिवाला खांदा देताना आणि अंत्यविधी पार पाडताना दिसत आहे. मात्र त्यातील एका चुकीमुळे नेटकऱ्यांकडून त्याच्यावर जोरदार टीका होत आहे.
आयुषमानचे वडील पंडित पी. खुराना हे ज्योतिष क्षेत्रात खूप प्रसिद्ध होते. त्यांनी ज्योतिषशास्त्राशी संबंधित अनेक पुस्तकंही लिहिली आहेत. ज्योतिषाच्या क्षेत्रातील या ज्ञानामुळे त्यांना खूप मानसन्मान मिळाला होता. दोन वर्षांपूर्वी त्यांनी त्यांचा वारसा शिल्पा धर यांच्याकडे सोपविला. शिल्पाने सर्व परीक्षा उत्तीर्ण झाल्याचं त्यांनी सांगितलं होतं.
सोशल मीडियावरील व्हायरल व्हिडीओमध्ये आयुषमान खुराना गॉगल लावल्याचं पहायला मिळत आहे. यावरूनच नेटकऱ्यांनी त्याला खडेबोल सुनावले आहेत. ‘वडिलांच्या निधनानंतरही गॉगल घालणं गरजेचं आहे का’, असा सवाल एकाने केला. तर ‘इथेसुद्धा हिरोगिरीच सुरू आहे. अशा वेळी तरी गॉगल काढायला पाहिजे’, असं दुसऱ्या युजरने म्हटलंय.
पहा व्हिडीओ
View this post on Instagram
सेलिब्रिटींना अशा प्रकारे ट्रोल करण्याची ही काही पहिलीच वेळ नाही. याआधी अभिनेता उदय चोप्रालाही अशाच प्रकारे ट्रोल करण्यात आलं होतं. आई पामेला चोप्रा यांच्या निधनानंतर कुटुंबीयांप्रती सहवेदना व्यक्त करण्यासाठी बॉलिवूडमधील बरेच सेलिब्रिटी त्याच्या घरी पोहोचले होते. यातील एका व्हिडीओमध्ये अभिनेता आमिर खान आणि त्याची पूर्वाश्रमीची पत्नी किरण राव उदयची गळाभेट घेताना दिसत होते. यावेळी उदय हसत हसत त्यांची भेट घेतो. हेच पाहून नेटकरी भडकले होते.
‘आईच्या निधनानंतरही त्याच्या चेहऱ्यावर हसू आहे. थोडीतरी लाज बाळगली पाहिजे’, असं एकाने लिहिलं होतं. तर ‘आईच्या निधनावर असणारी ही अशी कशी व्यक्ती आहे. असे हसून गळाभेट घेत आहेत, जसं की रिसेप्शन पार्टी चालू असेल’, असं दुसऱ्या युजरने म्हटलं होतं.
