Bigg Boss 16 Winner | तेजस्वी प्रकाशच्या तोंडून चुकून जाहीर झालं विजेत्याचं नाव; ‘हा’ स्पर्धक ठरणार विजेता?
सध्या बिग बॉसच्या घरात सहा सदस्य राहिले आहेत. यामध्ये शालीन भनोट, शिव ठाकरे, प्रियांचा चहर चौधरी, अर्चना गौतम, एमसी स्टॅन आणि निमृत कौर आहलुवालिया यांचा समावेश आहे.
मुंबई: छोट्या पडद्यावरील सर्वांत लोकप्रिय आणि तितकाच वादग्रस्त शो ‘बिग बॉस 16’ अंतिम टप्प्यात येऊन पोहोचला आहे. सोशल मीडियावर आतापासूनच विजेता कोण ठरणार याविषयीची चर्चा सुरू झाली आहे. बिग बॉसच्या ग्रँड फिनालेचं तिकिट मिळालेल्या स्पर्धकांच्या नावावरून सोशल मीडियावर सतत ट्रेंड्स समोर येत आहेत. सध्या बिग बॉसच्या घरात सहा सदस्य राहिले आहेत. यामध्ये शालीन भनोट, शिव ठाकरे, प्रियांचा चहर चौधरी, अर्चना गौतम, एमसी स्टॅन आणि निमृत कौर आहलुवालिया यांचा समावेश आहे.
बिग बॉसच्या 14 व्या सिझनची विजेती रुबिना दिलैकला नुकताच प्रश्न विचारण्यात आला होता की यंदाच्या सिझनची ट्रॉफी कोणता स्पर्धक पटकावू शकतो? त्यावर तिने प्रियांका चहर चौधरी आणि शिव ठाकरे या दोघांमध्ये तगडी चुरस रंगणार असल्याचा अंदाज वर्तवला होता. आता बिग बॉसची 15 व्या सिझनची विजेती तेजस्वी प्रकाशनेसुद्धा तिचं मत मांडलं आहे.
तेजस्वीनेही प्रियांका चहर चौधरीचं नाव घेतलं आहे. त्यामुळे बिग बॉसच्या चौदाव्या आणि पंधराव्या सिझनच्या विजेत्यांनी त्यांच्या मुलाखतीतून मोठी हिंट दिली आहे. या दोघींच्या मते प्रियांका चहर चौधरी ही सर्वांत स्ट्राँग स्पर्धक आहे. त्यामुळे तीच सोळाव्या सिझनची विजेती ठरणार असा अंदाज व्यक्त केला जात आहे.
जर प्रियांका या सिझनची विजेती ठरली तर टेलिव्हिजनची आणखी ‘संस्कारी सून’ बिग बॉसची ट्रॉफी आपल्या घरी घेऊन जाणारी असेल. याआधी टीव्हीवरील लोकप्रिय अभिनेत्री रुबिना आणि तेजस्वी यांनी विजेतेपद जिंकलं होतं. या दोघींनी प्रियांकाच्या खेळीचं कौतुक केलं.
या दोघींशिवाय अर्जुन बिजलानी, अली गोणी, निक्की तांबोळी, गौहर खान आणि इतर काही सेलिब्रिटींनीही प्रियांका चहर चौधरीचं नाव घेतलं. इतकंच नव्हे तर सोशल मीडियावरही तिच्या नावाचा अंदाज व्यक्त केला जात आहे.
येत्या 12 फेब्रुवारी रोजी बिग बॉस 16 चा ग्रँड फिनाले पार पडणार आहे. बिग बॉस 11 ची विजेती शिल्पा शिंदे हिने शिव ठाकरे विजेता ठरणार असल्याचा अंदाज वर्तवला आहे. तर बिग बॉस 4 ची स्पर्धक डॉली बिंद्राने निमृतचं नाव घेतलं.
