Bigg Boss 16 | आईसाठी एमसी स्टॅनने घेतला मोठा निर्णय; चाहते करतायत कौतुकाचा वर्षाव
रॅपर एमसी स्टॅन जोपर्यंत बिग बॉस 16 च्या घरात होता, तोपर्यंत तो सर्वांचा चाहता होता. खुद्द प्रियांका चहर चौधरीसुद्धा त्याचं कौतुक करायची. मात्र जेव्हापासून तो या शोचा विजेता ठरला आहे, तेव्हापासून त्याच्या विजेतेपदावर प्रश्न उपस्थित केले जात आहेत. मात्र एमसी स्टॅनसुद्धा त्यांना सडेतोड उत्तर देत आहे.
ज्या चाहत्यांनी स्टॅनला गरीब परिस्थितीत आणि झोपडपट्टीत राहताना पाहिलंय, त्यांना मात्र त्याच्या विजयावर खूप आनंद झाला आहे. एकेकाळी त्याच्याकडे जेवणासाठीही पैसे नव्हते. मात्र आज त्याचा स्टारडम काही वेगळाच आहे.
बिग बॉसचा शो जिंकल्यानंतर त्याला एक आलिशान कार आणि 31 लाख रुपये बक्षिस म्हणून मिळाले. आता स्टॅनचं हे स्वप्न आहे की तो या पैशांनी त्याच्या आई म्हणजेच अम्मीसाठी घर घेणार आहे.
"मी आतासुद्धा भाडेतत्त्वार राहतोय. त्यामुळे माझ्या अम्मीसाठी मला घर विकत घ्यायचं आहे. त्यांच्या आशीर्वादामुळेच मी हा शो जिंकू शकलोय", अशी प्रतिक्रिया त्याने दिली.
"अम्मी आणि अब्बूसाठी माझ्या मनात इतकं प्रेम आहे की मी ते शब्दांत मांडू शकत नाही. त्यामुळे त्यांच्यासाठी मी काहीही केलं तरी ते कमीच असेल", अशा शब्दांत त्याने भावना व्यक्त केल्या.